Levítico 19:13 - Bible in Tzeltal Bachajón

¹³ Ma xawuts'in apat-axuhc soc ma xawelc'ambe te sbiluque. Ma pajeluc to yac atojbe ya'tel te mach'a ya x'a'tej awu'un.

Bible in Tzeltal de Oxchuc y Tenejapa

¹³ “Ma me xawuts'in te alumale, ma me xawelc'anbey te bila ay yu'une. “Ma me xchebaluc to c'aal a ya atojbey yat'el te mach'a ya awic' ta at'ele.

Levítico 19:13 Referans Kwoze

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Jeremías 22:13

¡Obol sba te mach'a ya spas sna ta scuenta bin ma tojuc ta pasel, te ya spas scha'cajal na ta scuenta te bin ma tojuc; te tojol ya yac' a'tejuc te spat-xuhc, ma ba ya ya'be stojol sc'ab!

Proverbios 20:10

Te yalal soc te sp'isojibal te ma ts'acaluc, ta schebal ihlaybil yu'un Jehová.

San Marcos 10:19

Ana'oj te mandariletic: Ma me xawa'iy antsiwej; ma me xawa'iy milaw; ma me xawa'iy elec'; ma me xlehawanat ta c'op; ma me xawa'iy lo'loywanej; ich'a ta muc' te ame'atate, xchi.

Ezequiel 22:29

Te swinquilel te q'uinal ya x'uts'inwanic soc ya x'elc'ajic; ya yuts'inic te mach'atic ay swocolic soc te mach'atic mayuc bin ay yu'unic, soc ya yuts'inic te jyanlumetic, ma stojiluc ya schahpanic.

Jeremías 22:3

Hich yaloj te Jehová: Stojil me xawa'iy chahpanwanej soc pasa te bin stojil ta pasele. Ac'ahic ta libre ta sc'ab te j'uts'inwanej te mach'a tembil ta uts'inel yu'un soc ma me xawelc'ambe sbiluc te jyanlum, te me'ba' soc te me'ba' ants, soc ma me xamalbe sch'ich'el ta lugar ini te mach'a mayuc smule.

Éxodo 22:21

Ma me xawuts'in jyanlum soc ma me xawa'be swocol, como jyanlumex ayinex ta sq'uinal Egipto.

Éxodo 22:15

Yan teme tey ay a te yajwale, ma ba ya stojbe. Yan teme tojbil, ha nax ya stoj te bin ut'il smajanej.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

San Lucas 3:13

Ma me xac'anic xan yan te bin ut'il halbil ya yich' c'anele, xchi.

Proverbios 22:22

Ma me xawelc'an te pobre ta scaj te ha pobre, soc ma me xaten ta c'op ta yochibal te pueblo te mach'a mayuc bin ay yu'un,

Job 31:39

teme la jwe'be sit te awal-ts'unubil te ma ba la jtoj, o teme la jca'be smel yo'tan te yajwale,

Levítico 6:3

o ya smuc ta yo'tan te la sta te bin ch'ayem yu'un te spat-xuhc, o ya yal ta jamal ta lot te bin ay ta pasel te ya sta mulil a te winique,

Éxodo 22:13

Teme laj ta ti'el ta ti'awal chambahlam, ya me yac' ta ilel te bin hilem, ma ba ya stojbe te bin lajeme.

San Mateo 20:8

C'alal mahlix c'ahc'al a, te yajwal te ts'usubil la yalbe te mayordomo yu'un: Ic'ticlana tal te j'a'teletic, tojbeya te ya'telic, ha nahil yac atoj te mach'atic patilix hahchic ta a'tel, ha patil te mach'atic nahil hahchic ta a'tel, xchi.

1 Timoteo 5:18

como hich ya yal ta Shun Dios: Ma me xawa'be sbolsahil sni' te j'a'tel-wacax c'alal yac ta sp'uyel trigo, xchi, soc: Te mach'a ya x'a'tej, ya me yich' stojol sc'ab yu'un te ya'tele, te xchihe.

Éxodo 20:15

Ma me xawa'iy elec'.

Éxodo 22:7

Teme ay mach'a ya ya'be sq'uej taq'uin o yan sbiluc te spat-xuhc, teme och j'elec' ta sna te winic, teme tahot te j'elec', ya me stoj cheb buelta.

Job 17:5

¡Te mach'atic ya yac' ta c'abal te yamigotac yu'un ay bin ya x'a'bot a, ya xnayij sitic yu'un te yal-snich'nabic!

Proverbios 3:28

Ma me hichuc xawalbe te apat-axuhc: Bahan, suhtan bahel, pajel to ya ca'bat, ma me xchihucat, teme ay awu'un te bin yac awa'be.

Ezequiel 18:7

te mayuc mach'a ya x'uts'inwan, ya sutbe te bin yich'beyej; ma ba ya ya'iy elec', ya ya'be swe'el te mach'a ay swi'nal soc ya ya'be sc'u' te mach'a mayuc sc'u';

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Levítico 25:14

Teme ay yac achombe o yac amambe q'uinal te apat-axuhc, ma me xalo'loy abahic.

Levítico 25:17

Ma me ayuc mach'a ya slo'loy te spat-xuhc, ya me axi'ic te Dios awu'unique; como ho'on, Jehovahon, te Dioson awu'unique.

Job 7:2

Ha pajal soc a'bat te yo'tanuc ya sta axinal, ha pajal soc te j'a'tel-winic te ya smahliy te stojole.