Levítico 19:12 - Bible in Tzeltal Bachajón

¹² Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Bible in Tzeltal de Oxchuc y Tenejapa

¹² “Ma me ayuc bila jc'axel ya awal ta jamal ta lot te ya atabon ta alel jbiil, melel ya me aboltesbon te yutsil jc'oplal te jo'on Dioson awu'une.

Levítico 19:12 Referans Kwoze

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Deuteronomio 5:11

Ma me xatojol tahbe ta halel sbihil te Jehová te Dios awu'un, como te Jehová ma ba ya smucbe smul te mach'a ya stojol tahbe ta halel te sbihile.

Levítico 18:21

Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Santiago 5:12

Quermanotac, ha tulan sc'oblal te ma me ayuc bin yac awalic ta jamal ta scuenta te ch'ulchan, te bahlumilal, o biluc yan. Hich, xchihanic me teme hiche. Ma hichuc, xchihanic me teme ma hichuque, scuenta yu'un ma ba yac awich'ic ich'el ta c'op yu'un.

Levítico 6:3

o ya smuc ta yo'tan te la sta te bin ch'ayem yu'un te spat-xuhc, o ya yal ta jamal ta lot te bin ay ta pasel te ya sta mulil a te winique,

Levítico 24:11

Te yal israel-ants la slaban soc la sbohlc'optay te Bihilil; ha yu'un la yiq'uic bahel ta stojol Moisés. (Selomit sbihil te snane, ha yantsil-nich'an Dibri, sts'umbal Dan).

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Zacarías 5:4

Ha la jticon bahel, xchi te Jehová te scuentahinej spisil, ha ya x'och ta sna te j'elec' soc ta sna te mach'a ay bin ya yal ta jamal ta lot ta scuenta jbihil; tey ya x'ayin ta sna soc pajal ya slajin soc te sts'amte'el soc te tonetic yu'une, xchi.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Salmos 15:4

ha te ya yihlay te mach'a chopol, pero ya yich' ta muc' te mach'atic ya yich'ic ta muc' te Jehová; ha te mach'a ya xc'oht ta pasel yu'un te bin yaloj ta jamal, aunque ya sta swocol yu'un;

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 34:16

Pero cha'suhtexix ta apatic soc la abohlobtesbonic te jbihile; jujutuhlex la acha'iq'uic xan te winic soc ants te awac'ojiquix ta libre te mach'a la sc'anique, la acha'otsesic xan ta mosohil.

Zacarías 5:3

Hich la yalbon: Ha te schopol c'oblalil te ya xloc' bahel ta sba spisil te q'uinal; como spisil mach'atic ya x'elc'ajic ya me yich'ic jinel, hich te bin ut'il ya yal ta jehch te balbil hun, soc spisil mach'atic ay bin ya yalic ta jamal ta lot ya me yich'ic jinel, hich te bin ut'il ya yal ta yan jehch te balbil hune.

Levítico 20:3

Ma lecuc co'tan yu'un te winique, ya jloq'ues bahel ta yohlil te slumal yu'un te la ya'be smahtanin Moloc te snich'ane, hich la yac' bohlobuc sc'oblal te ch'ul templo cu'un soc la yac' jihnuc sc'oblal te jch'ul bihile.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Jeremías 5:2

Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.