Levítico 19:10 - Bible in Tzeltal Bachajón

¹⁰ Ma xale xan te sit ats'usub soc ma xatam te sit ats'usub te luhbajem; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique.

Bible in Tzeltal de Oxchuc y Tenejapa

¹⁰ Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.

Levítico 19:10 Referans Kwoze

Isaías 24:13

Hich ya xc'oht ta bahlumilal soc ta stojol nacionetic te bin ut'il ya yich' yuq'uel te olivo, te bin ut'il ya yich' xan lehel te sit ts'usub te c'alal tsobilix a.

Isaías 17:6

Ay to ya xhil tey a, hich te bin ut'il c'alal ya xyuc'ot te olivo; ay cheb oxeb sit ya xhil ta sc'abc'ab, chaneb o ho'eb ya xhil ta sc'abc'ab te bayel ya yac' sit, xchi te Jehová te Dios yu'un Israel.

Levítico 25:6

Te sit ya yac' ta stuquel nax te lumq'uinal te c'alal ay ta cux-o'tan, tic' ya xwe'at a soc awa'bat, acriada, te j'a'tel awu'un soc te jyanlum sjoquinejat ta nahinel,

Miqueas 7:1

¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

Abdías 1:5

Te ha'uc tal j'eleq'uetic ta atojol, te ha'uc tal yelc'ambat ta ahc'abal, (¡mero jimbil c'ohat!) ¿ma bal yacuc yelc'anic te ban c'alal ya sc'anic? Te ha'uc talic ta atojol te mach'atic ya stulic ts'usub, ¿ma bal yacuc yihquitayic hilel cha'oxchej?

Jeremías 49:9

Teme tal ta atojolic te mach'atic jtul-ts'usubiltic, ¿ma bal yacuc xhil yu'unic cha'ox chejuc? Teme tal j'eleq'uetic ta ahc'abal, ¿ma bal lajuc yich' bahel ban c'alal la sc'anic?

Jueces 8:2

Pero te Gedeón hich la sjac'be sc'opic: ¿Bin jpasoj ho'on te pajal soc bin la apasic te ha'exe? ¿Ma bal ha'uc lec xan te bin hilem ta yawil ts'usub yu'un Efraín te bin ut'il spisil bin ya xloc' yu'un Abiezer?

Levítico 19:9

Te c'alal yac awa'iy c'ajoj ma me xac'aj c'alal ta mero sti'il, soc ma xale xan te banti c'axematix ta sc'ajele.

Levítico 19:11

Ma xawa'iyic elec'; me xawa'iyic lot, soc ma me talel c'axeluc xalotiy abahic.

Levítico 23:22

Te c'alal yac awa'iyic c'ajoj ta aq'uinalic, ma xac'aj c'alal ta mero sti'il, soc ma xatamic te banti hileme; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique, xchi.

Deuteronomio 24:19

Te c'alal yac atsobe te sit ats'unub awawal ta aq'uinal, teme ay jtohmuc ma ba la ana' tal, ma me suhtat ta slehel tal, ha yu'unix te jyanlum, me'ba' alal soc te me'ba' ants; scuenta yu'un ya ya'bat bendición a te Jehová te Dios awu'un ta spisil te bin yac apase.

Deuteronomio 24:20

Te c'alal yac ayuc'be cohel sit te olivohetic awu'un, ma me xc'ax acha'le xan sit banti c'axematix, ha me yu'unix te jyanlum, me'ba' alal soc te me'ba' antse.

Rut 2:2

Te Rut te moab-ants la yalbe te Noemí: Awocoluc, ac'awon bahel yu'un ya jtam cebada te hilem yu'un mach'ayuc a te lecon ta sit, xchi. Bahan hiche, cantsil-al, xchi te Noemí.

Levítico 11:44

como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Levítico 19:25

Pero ta yo'ebal ha'bil ya xhu' yac alo'beyiquix a te site, hich bayel sit ya ya'beyex a. Ho'on, Jehovahon, te Dioson awu'unique.

Deuteronomio 24:21

Te c'alal yac atulbe sit te ats'usubil, ma me xc'ax acha'le xan te site, ha yu'unix te jyanlum, me'ba' alal soc te me'ba' antse.