Levítico 18:30 - Bible in Tzeltal Bachajón

³⁰ Ha yu'un, pasahic te bintic caloje, ma me xapasic te bintic mero ilobtic sba la spasic te c'alal ma to talex a, scuenta yu'un ma ba yac abohlobtes ac'oblalic a. Ho'on, Jehovahon, te Dioson awu'unique, xchi.

Bible in Tzeltal de Oxchuc y Tenejapa

³⁰ Ja' yu'un, pasaic me te bila mandalil caloje, ma me xapajbeyic stalelic te la spasic te bitic mero ilaybil sba la spasic te mach'atic nainic tey a, soc ma me xapasic te bila boloben ac'oplal ya xc'oex yu'une. Jo'on Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Levítico 18:30 Referans Kwoze

Levítico 20:23

Ma me xapasic te bin ya spasic te nacionetic ya jtenticlan loq'uel ta atojolic; como ha'ic la spasic spisil ini, hich ihlaybil c'ohtic cu'un.

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Deuteronomio 11:1

C'ux me xawa'iy ta awo'tan te Jehová te Dios awu'un soc ya me ach'uhun spasel spisil ora te bintic yaloj, bintic chapal yu'un, bintic halbil ta mandar soc te mandariletic yu'une.

Levítico 18:29

Como mach'ayuc a te ya spas te bin mero ilobtic sba ini, ya me yich' loq'uesel ta yohlil te slumale.

Levítico 19:1

Te Jehová la yalbe te Moisés:

Deuteronomio 12:30

tsahtaya me aba te ma ba yac ac'ohchin aba yu'un st'unel bahel te bin ya spasic, te c'alal lajimbilix ta atojol a; ma me xajoc'obe sc'oblal te diosetic yu'unic, te hich yac awal: Te nacionetic ¿bin ut'il la sch'uhuntayic te diosetic yu'unic, yu'un hich nix ya jch'uhuntay? te xchihate.

Deuteronomio 12:31

Ma me hichuc xapasbe te Jehová te Dios awu'un, como spisil te bintic ilobtic sba te ya yihlay te Jehová, la spasbeyic te diosetic yu'unique; ha la schiq'uic ta c'ahc' ta stojol te diosetic yu'unic te queremetic soc te ach'ixetic yu'unique.

Jueces 20:6

Hich la jtsacbe sbaq'uetal, la jbojticlambe, la jpucticlambe bahel ta spahmal sq'uinal Israel, ta scaj te bin chopol soc te milaw la spasic ta Israel.

1 Reyes 14:24

Ha nix hich ay sodoma-winiquetic ta q'uinal. La spasic spisil ta chahp muliletic te ilobtic sba te la spasic te nacionetic te tenotic loq'uel yu'un Jehová ta stojol Israel.

1 Reyes 21:26

Mero ihlaybil, la sch'uhun loc'ombahetic hich te bin ut'il la spasic te amorreohetic te loq'uesotic yu'un Jehová ta stojol te snich'nab Israel.)

Esdras 9:1

C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.