Levítico 18:3 - Bible in Tzeltal Bachajón

³ Ma me hichuc xapasic te bin ya spasic ta sq'uinal Egipto te banti nahinex; soc ma hichuc xapasic te bin ya spasic ta sq'uinal Canaán te banti ya quiq'uex bahel, ma me xat'umbeyic te bin ya spasique.

Bible in Tzeltal de Oxchuc y Tenejapa

³ “Ma me xat'unbeyic scostumbre te egipcioetic tey ta lumq'uinal ta banti nainexe. “Ma me xat'unbeyic scostumbre te cananeoetic, tey ta lumq'uinal te banti ya quiq'uex baele, soc ma me xat'unbeyic te mandaliletic yu'unique.

Levítico 18:3 Referans Kwoze

Levítico 20:23

Ma me xapasic te bin ya spasic te nacionetic ya jtenticlan loq'uel ta atojolic; como ha'ic la spasic spisil ini, hich ihlaybil c'ohtic cu'un.

Éxodo 23:24

Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Ezequiel 23:8

Ma ba la yihquitay hilel te antsinel yu'un ta Egipto, ta yach'ixlel to tsobol mach'atic wayic soc; la sjaxulambeyic ta mulambeyel schu' ta yach'ixlel soc bayel u'untaybot yo'tanic ta spasel mulil soc.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Salmos 106:35

la scap sbahic soc te nacionetic soc la snopbeyic stalelic.

Deuteronomio 12:4

Ma me hichuc xach'uhuntayic te Jehová te Dios awu'unic te bin ut'il ya sch'uhuntayic te diosetic yu'unique.

Deuteronomio 9:4

Te c'alal la stenix loq'uel ta atojol a te Jehová te Dios awu'un, ma me hichuc yac anop ta awo'tan: Ta scuenta toj ca'tel la yic'on tal Jehová ta yu'untayel ha'i q'uinal ini, ma me xchihucat, como ta scuenta schopolil ya'telic te nacionetic ini te Jehová ya stenticlan loq'uel ta atojol.

2 Reyes 17:8

soc la st'umbeyic te costumbrehetic yu'un te nacionetic te ch'ojotic loq'uel yu'un Jehová ta stojol te snich'nab Israel, soc te costumbrehetic te hahch spasic te ajwaliletic yu'un Israel.

Deuteronomio 29:17

soc awilojic te bintic ilobtic sba yu'unic soc te loc'ombahetic yu'unic te spasticlambil ta te' soc ta ton, ta plata soc ta oro, te ayic ta yohlilique.