Levítico 18:25 - Bible in Tzeltal Bachajón

²⁵ soc te bohlob sc'oblal te lumq'uinale. La jca'be castigo yu'un te smule, soc te lumq'uinal la xehtay loq'uel te swinquilele.

Bible in Tzeltal de Oxchuc y Tenejapa

²⁵ soc te slum-sq'uinalic boloben sc'oplal jil yu'unic. Pero jo'on la jpasbeyix ta wenta te smulique, jich te lumq'uinal yu'unic ja' nix la xch'oj loq'uel te yajwale.

Levítico 18:25 Referans Kwoze

Levítico 18:28

Ma me xehtayex loq'uel te lumq'uinal ta scaj te la abohlobtesic, hich te bin ut'il la xe'tayix loq'uel te mach'atic nahil nahinic tey a.

Jeremías 2:7

Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.

Jeremías 9:9

¿Ma bal yacuc cac'ticlambe castigo yu'un spisil ini? ¿Ma bal yacuc ca'be stoj te nación te hich ya spas? xchi te Jehová.

Salmos 106:38

La smalbeyic sch'ich'el mach'a mayuc smul, ha te sch'ich'elic te querem soc ach'ixetic yu'unic, ha te la yaq'uic ta milbil mahtanil ta stojol te loc'ombahetic yu'un Canaán; bohlob te q'uinal yu'un te sch'ich'elique.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.

Jeremías 23:2

Ha yu'un te Jehová, te Dios yu'un Israel, hich ya yalbe te jcanan-tuminchijetic te ya scanantaybonic te pueblo cu'un: Ha'ex la apucticlanic bahel te tuminchijetic cu'un soc la axiwteslanic; ma ba la acanantayic. Ha yu'un ya ca'bat castigo yu'un te schopolil awa'telique, xchi te Jehová.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Jeremías 14:10

Te Jehová hich la yalbe sc'oblal te pueblo ini: Bayel la smulanic te bayuc nax ya xbahtic, ma ba la scom yoquic. Ha yu'un te Jehová ma lecuc yo'tan yu'unic; ya me sna'beyix te smulic soc ya me yac'ticlambe castigo yu'un, xchi.

Jeremías 5:29

¿Ma bal yacuc ca'be castigo yu'un? xchi te Jehová. ¿Ma bal yacuc ca'be spacol te nación te hich yilel stalel?

Jeremías 5:9

¿Ma bal yacuc ca'be castigo yu'un? xchi te Jehová. Te jun nación hich te bin ut'il ini ¿ma bal yacuc ca'be spacol?

Isaías 26:21

Ilawil, te Jehová ya xloc' tal ta banti nahinem yu'un ya ya'be castigo yu'un smulic te mach'atic nahinemic ta bahlumilal. Te lumq'uinal ya yac' ta ilel te ch'ich' malbil tey a; ma ba ya smuquix xan te mach'atic la yich'ic milel tey a.

Deuteronomio 18:12

Como ihlaybil yu'un Jehová mach'ayuc a te hich ya spas; soc ta scuenta te bintic ihlaybilic ini, te Jehová te Dios awu'un ya sten loq'uel ta atojol te nacionetic ini.

Romanos 8:22

Jna'ojtic te yac ta ahcan spisil te bintic pasticlambil, soc c'alal ora yac ta c'axel bayel swocol hich te bin ut'il ants te ya yayintes alal.

Oseas 9:9

Jc'axel la sbohlobtes sbahic, hich te bin ut'il ta sc'ahc'alel Gabaa. Te Jehová ya me sna'be schopolil soc ya me ya'be castigo yu'un te smulique.

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Salmos 89:32

ya ca'be castigo ta xul te c'axun-mandar yu'unic, ya ca'be majel yu'un te smulique;

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Oseas 8:13

La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

Levítico 18:26

Pero ha'ex ac'a c'ohtuc ta pasel awu'unic te bintic chapal cu'un soc te bintic caloj, ma me xapasic te bintic mero ilobtic sba ini, ha te mach'a slumal nix soc te jyanlum nahinem ta awohlilic,

Deuteronomio 21:23

ma me xawac' te ya xc'ax ahc'abal jipil ta te' te sbaq'uetal, ya me amuc ta sc'ahc'alel nix, como bohloben sc'oblal yu'un Dios te mach'a jipil ta te'. Hich ma ba yac abohlobtes a te aq'uinal ya ya'bat te Jehová te Dios awu'une.

1 Reyes 21:26

Mero ihlaybil, la sch'uhun loc'ombahetic hich te bin ut'il la spasic te amorreohetic te loq'uesotic yu'un Jehová ta stojol te snich'nab Israel.)

Esdras 9:11

te hich la awal ta scuenta te jalwanejetic te a'batetic awu'un: Te q'uinal banti ya x'och awich'ic, ha bohloben sc'oblal yu'un sbohlilic te mach'atic nahinemic tey a; ta jehch ta jehch la snojesic ta bintic ihlaybil.