Levítico 18:24 - Bible in Tzeltal Bachajón

²⁴ Ma me xabohlobtes ac'oblalic ta scuenta spasel ini; como ha ta scuenta ini te bohlob sc'oblal te nacionetic te ya jloq'ues ta atojolic,

Bible in Tzeltal de Oxchuc y Tenejapa

²⁴ “Ma me ayuc x'aboltes abaic ta swenta te bitic la calixe. Melel ja' boloben c'ot yu'un te yajwal lumetic ya jch'ojbeyex loq'uel ta atojolic,

Levítico 18:24 Referans Kwoze

Deuteronomio 18:12

Como ihlaybil yu'un Jehová mach'ayuc a te hich ya spas; soc ta scuenta te bintic ihlaybilic ini, te Jehová te Dios awu'un ya sten loq'uel ta atojol te nacionetic ini.

Levítico 18:30

Ha yu'un, pasahic te bintic caloje, ma me xapasic te bintic mero ilobtic sba la spasic te c'alal ma to talex a, scuenta yu'un ma ba yac abohlobtes ac'oblalic a. Ho'on, Jehovahon, te Dioson awu'unique, xchi.

1 Corintios 3:17

Teme ay mach'a ya sjin te templo yu'un Dios, ya me xjihnot yu'un Dios, como ch'ultesbil te templo yu'un Dios, ha'ex abi.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Deuteronomio 12:31

Ma me hichuc xapasbe te Jehová te Dios awu'un, como spisil te bintic ilobtic sba te ya yihlay te Jehová, la spasbeyic te diosetic yu'unique; ha la schiq'uic ta c'ahc' ta stojol te diosetic yu'unic te queremetic soc te ach'ixetic yu'unique.

Levítico 18:3

Ma me hichuc xapasic te bin ya spasic ta sq'uinal Egipto te banti nahinex; soc ma hichuc xapasic te bin ya spasic ta sq'uinal Canaán te banti ya quiq'uex bahel, ma me xat'umbeyic te bin ya spasique.

Génesis 15:16

Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

Números 35:34

Ma me xabohlobtesbe sc'oblal te q'uinal te banti ya xnahinex, tey ta banti ya xnahinon, como ho'on Jehovahon ya xnahinon ta yohlil te snich'nab Israel, xchi.

Deuteronomio 9:4

Te c'alal la stenix loq'uel ta atojol a te Jehová te Dios awu'un, ma me hichuc yac anop ta awo'tan: Ta scuenta toj ca'tel la yic'on tal Jehová ta yu'untayel ha'i q'uinal ini, ma me xchihucat, como ta scuenta schopolil ya'telic te nacionetic ini te Jehová ya stenticlan loq'uel ta atojol.

1 Reyes 9:7

ya jloq'ues te Israel tey ta q'uinal te ca'beyeje. Soc te Na ini te la jch'ultes scuenta jbihil ya jch'oj loq'uel ta jtojol, soc te Israel ya xhahch labanel c'op ta stojol soc ya x'och ta labanel yu'un spisil pueblohetic.

Esdras 9:1

C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.

Salmos 106:39

Hich la sbohlobtes sbahic ta scuenta te bintic la spasic, la yantsin sbahic ta scuenta te ya'telique.

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Jueces 20:5

Pero hahch scontrahinonic te mach'atic ay ta Gabaa, la sjoytayic te na banti c'ax ahc'abal cu'un yu'un ya c'an smilonic, soc la yuts'inic te ants cu'un ha to c'alal laj.

Jueces 20:6

Hich la jtsacbe sbaq'uetal, la jbojticlambe, la jpucticlambe bahel ta spahmal sq'uinal Israel, ta scaj te bin chopol soc te milaw la spasic ta Israel.

Jueces 20:10

Ya jloq'uestic lajuntuhl winiquetic ta ho'ho'winic (100) ta spisil ta chahpalchahp yu'un Israel, soc ho'winic (100) ta jujumil, soc jmil ta lajlajunmil, te ya yich'beyic bahel we'elil yu'un te winiquetic ya xbaht yaq'uic guerra, scuenta yu'un te c'alal ya xc'ohtic ta Gabaa ta sq'uinal Benjamín hich ya xhu' ya ya'beyic stoj spisil te bin chopol la spasic ta Israel, xchihic.

2 Crónicas 33:2

Pero chopol bin la spas ta stojol Jehová, hich te bin ut'il te bintic ilobtic sba la spasic te nacionetic loq'uesotic yu'un Jehová ta stojol te snich'nab Israel.

Ezequiel 36:17

Snich'anat winic, te c'alal nahinem ta sq'uinal a te sna Israel, la sbohlobtesbeyic sc'oblal ta scuenta te bin la spasic soc te ya'telique. Te bin la spasic hich c'ohem ta jtojol te bin ut'il te ya xbohlob sc'oblal te ants c'alal ya yil schamel ta jujun u.