Levítico 18:21 - Bible in Tzeltal Bachajón

²¹ Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Bible in Tzeltal de Oxchuc y Tenejapa

²¹ “Ma me xawac'bey smajt'anin ta chiq'uel ni jtuluc anich'an te dios Moloc. Ma me xawac' bolobuc jc'oplal. Jo'on Ajwalilon.

Levítico 18:21 Referans Kwoze

Deuteronomio 12:31

Ma me hichuc xapasbe te Jehová te Dios awu'un, como spisil te bintic ilobtic sba te ya yihlay te Jehová, la spasbeyic te diosetic yu'unique; ha la schiq'uic ta c'ahc' ta stojol te diosetic yu'unic te queremetic soc te ach'ixetic yu'unique.

Levítico 19:12

Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Deuteronomio 18:10

Ma me xchicnaj ta awohlilic te mach'a ya yac' c'axel ta c'ahc' te squerem o yantsil-nich'an, o te mach'a ya x'a'tej ta jna'ojel, te mach'a ya spasbe seña sna'el te bin chopol ya xc'oht ta pasel, te mach'a ya sna' spasel chopol señahetic, j'ac'-chamel,

Levítico 22:32

Ma me xabohlobtesbonic sc'oblal te jch'ul bihil, scuenta yu'un ch'ul Dioson ya xc'ohon ta yohlil te snich'nab Israel. Ho'on, Jehovahon, te ya jch'ultesex,

Hechos 7:43

La awich'beyic bahel te nahilpac' templo yu'un Moloc, soc te ec' yu'un te Renfán te dios awu'unic, ha loc'ombahetic pasticlambil awu'unic scuenta yu'un yac ach'uhuntayic. Ha yu'un ya me caq'uex bahel ta sjehchelul Babilonia, te xchihe.

Malaquías 1:12

Pero ha'ex yac abohlobtesbe sc'oblal te c'alal hich yac awalic: Bohloben sc'oblal te mesa yu'un te Jehová, te xchihex, soc te c'alal yac awalic te p'ajbil te we'elil yu'une.

Jeremías 19:5

La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

1 Reyes 11:7

Ta wits te ay ta stojol sloq'uib c'ahc'al yu'un Jerusalén te Salomón la spasbe toyol awilal te Quemos te ihlaybil loc'omba yu'un Moab, soc te Moloc te ihlaybil loc'omba yu'un te snich'nab Amón.

Levítico 22:2

Halbeya te Aarón soc te snich'nab te ya me stsahtay sbahic ta lec yu'un te bintic ch'ultesbil te ya ya'bonic te snich'nab Israel, ma me sbohlobtesbonic sc'oblal te jch'ul bihile. Ho'on, Jehovahon.

Amós 5:26

La acuchic bahel te nahilpac' templo yu'un Moloc soc te Quiún te loc'ombahetic awu'unic, te ec' yu'un te diosetic awu'unic te la apasique.

Ezequiel 23:37

Como la yac' sbahic ta antsinel soc ay ch'ich' ta sc'abic. La yac' sbahic ta antsinel soc te loc'ombahetic yu'unic, soc la yaq'uic c'axuc ta c'ahc' ta chiq'uel te yal-snich'nabic te la yalatayic ta jcuenta.

Ezequiel 20:31

Como te c'alal yac awac' te mahtaniletic awu'unic, ha te yac ac'ases ta c'ahc' te awal-anich'nabic, la abohlobtes abahic ta scuenta spisil te loc'ombahetic awu'unic c'alal ora. ¿Ya bal sc'an te ya jac'beyex ac'opic, ha'ex sna Israel? ¡Ho'on cuxulon, xchi te Jehová te Ajwalil, ma ba ya jac'beyex!

Jeremías 7:31

La spasic scajtajib ta chiq'uel mahtanil ta Tofet ta sjuclej yu'un Ben-hinom yu'un ya schiq'uic tey a te squerem-nich'anic soc yantsil-nich'anic, te bin ma hichuc calbeyej ta mandar, soc mayuc talem ta co'tan.

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

2 Reyes 21:6

Soc la yac' ta chiq'uel te snich'an; la spasbe seña ta ilel soc j'ac'-chamel, la sc'oponlan te mach'a ya sc'opon ch'uhlelaletic soc te j'ilojel. Hich p'ohl yu'un te bin chopol ta stojol Jehová te la shachbe yilimba a.

2 Reyes 16:3

Ha la st'umbe sbe te ajwaliletic yu'un Israel, ha nix hich la yac' c'axuc ta c'ahc' te snich'an, hich te bin ut'il ya spasic te bin ilobtic sba te nacionetic te ch'ojotic loq'uel yu'un Jehová ta stojol te snich'nab Israel.

Levítico 21:6

Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Romanos 2:24

como hich ts'ihbabil: Ta acajic ya stoybac'optaybeyic te sbihil Dios te jyanlumetic, te xchihe.

Romanos 1:23

Te yutsilal Dios te ma xlaj la sjelic ta sloc'omba winic te ya xlaj, soc ta sloc'omba mutetic, chambahlametic soc chanetic.

2 Crónicas 28:3

La schic' pom ta sjuclej yu'un Ben-hinom soc la schic' te snich'nab, hich te bin ut'il te ihlaybil ya'telic te yantic nacionetic te tenotic loq'uel yu'un Jehová ta stojol te snich'nab Israel.

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Ezequiel 20:26

La jbohlobtesbe sc'oblalic ta scuenta te mahtaniletic yu'unic, ha te c'alal la sc'asesic ta c'ahc' te ba-alaletic yu'unic, scuenta yu'un ya jnojesbe yo'tanic ta xiwel soc ya ca'be sna'ic te ho'on Jehovahon.

Miqueas 6:7

¿Lec bal ya ya'iy te Jehová teme ay bayel ta mil (1,000) ta coht tat tuminchijetic o lajunmil (10,000) uc'umetic yu'un aceite? ¿Ya bal ca'be te jba jnich'an scuenta stojol te jtoybahil, ya bal ca'be te sit jbaq'uetal scuenta stojol smul te jch'uhlele?

Levítico 24:15

Hich yac awalbe te snich'nab Israel: Mach'ayuc a te ya sbohlc'optay te Dios yu'une, ya me scuch smul.

2 Reyes 17:31

te mach'atic talemic ta Ava la spasic Nibhaz soc Tartac; te mach'atic talemic ta Sefarvaim la schiq'uic te snich'nabic scuenta smahtan Adramelec soc Anamelec, te diosetic yu'un Sefarvaim.

Amós 2:7

Ya sts'o'ts'o'tec'beyic sjol ta ts'u'lum te mach'atic ma xhu' ya scoltay sbahic, soc ya showiytesic ta be te mach'atic peq'uel yo'tanique. Te winic soc te snich'an jtuhl nax ach'ix ya xwayic soc, hich ya sbohlobtesbonic sc'oblal te jch'ul bihile.