Levítico 17:15 - Bible in Tzeltal Bachajón

¹⁵ Mach'ayuc a, teme ha nix slumal o jyanlum, teme ya swe'be sbaq'uetal chamen chambahlam o te ixtalambil yu'un ti'awal chambahlam, ya me sac' sc'u' spac' soc ya me x'atin, bohloben sc'oblal ya xhil c'alal ta yihc'ubel q'uinal; patil lec sc'oblal ya xhil.

Bible in Tzeltal de Oxchuc y Tenejapa

¹⁵ “Mach'auc israelil, o jyanlumil, teme ya sti'bey sbaq'uetal lajem chambalam, o teme ya sti'bey sbaq'uetal te ixlanbil yu'un yan jti'awal ja'mal chambalame, ya me sc'an te ya sac' te sc'u'-spac', soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal. Patil lecubtesbil me sc'oplal ya xjil.

Levítico 17:15 Referans Kwoze

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Levítico 22:8

Ma me swe' te bin chamen o te yich'oj ixtalanel yu'un ha'mal chambahlam, como ha bohloben sc'oblal ya xc'oht yu'un. Ho'on, Jehovahon.

Éxodo 22:31

Ch'ultesbil winiquetic cu'un ya xc'ohex. Ha yu'un ma me xati'ic chambahlam te laj ta ti'el yu'un ti'awal chambahlametic; ya me ach'ojbe bahel sti' te ts'i'etique.

Levítico 11:25

Mach'ayuc a te ya yich' bahel te schamen baq'uetalic ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.

Ezequiel 44:31

Te sacerdotehetic ma me swe'ic mutetic o yantic chambahlametic te hich nax chamenic, o te butsticlambil ta chambahlam.

Ezequiel 4:14

Hich la jcal: ¡Ay, Cajwal Jehová! ma ba bohloben sc'oblal te jcuxlejal; ta jqueremil c'alal ora ini mayuc bin ora jwe'oj chamen sbaq'uetal chambahlam o te butsticlambile, mayuc bin ora jwe'oj ti'bal te bohloben sc'oblal, xchihon.

Levítico 15:5

Mach'ayuc a te ya spicbe swayib ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Números 19:21

Ha mandar te ma xlaj sc'oblal. Te mach'a ya ya'iy tsihtsinwanej ta ha' scuenta lecubtesel ya me sac' sc'u'. Te mach'a ya spic te ha' scuenta lecubtesel, bohloben sc'oblal ya xhil c'alal ta yihc'ubel q'uinal.

Números 19:19

Te mach'a lec sc'oblal ya stsihtsin a ta yoxebal soc ta shuquebal c'ahc'al te mach'a bohloben sc'oblal. Te c'alal ya xlecub sc'oblal ta shuquebal c'ahc'al, ya me sac' sc'u' soc ya x'atin, ya xlecub sc'oblal ta yihc'ubel q'uinal.

Números 19:8

Ha nix hich te winic te la schic' te wacax, ya me sac' sc'u' soc ya x'atin, soc bohloben sc'oblal ya xhil c'alal ta yihc'ubel q'uinal.

Levítico 15:21

Mach'ayuc a te ya spicbe swayib ya me sac' te sc'u' spac' soc ya me x'atin, bohloben sc'oblal ya xhil c'alal yihc'ubel q'uinal.

Levítico 15:10

Mach'ayuc a ya spic te biluc te banti huhcaj o way te mach'a ay bin ya xmal yu'une, bohloben sc'oblal ya xhil c'alal yihc'ubel q'uinal. Te mach'a ya yich' bahel te biluque, ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 7:24

Te sjuhp'el te chamen chambahlam o te ixta'lambil yu'un ti'awal ha'mal chambahlam, ya xhu' ya yich' tuhunel, pero ma xhu' yac awe'ic.

Levítico 11:40

Te mach'a ya swe'be te schamen baq'uet ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal; ha nix hich te mach'a ya sloq'ues te bin chamene, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Éxodo 22:30

Ha nix hich yac apas soc awacax soc atuminchij; huqueb c'ahc'al ya sjoquin sme', ta swaxaquebal c'ahc'al ya me awa'bon.

Levítico 11:24

Ha ini te ya xbohlob ac'oblalic yu'un: Mach'ayuc a te ya spic te schamen baq'uet yu'un te chambahlametic ini ma me lecuc sc'oblal ya xhil yu'un c'alal ta yihc'ubel q'uinal.

Levítico 11:27

Ta spisil te chambahlametic te ya xbehenic ta chaneb yoc, ma me lecuc sc'oblal awu'unic biluc chambahlamil te c'unic stahn yoc. Mach'ayuc a te ya spic te schamen baq'uetalic ma me lecuc sc'oblal ya xhil c'alal ta yihc'ubel q'uinal.

Levítico 11:28

Te mach'a ya yich' bahel te schamen baq'uetal, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal. Ma me lecuc sc'oblal awu'unic.

Levítico 11:31

Ta spisil te chambahlametic te staslajan ya xbehenic ta lum, ha'ic ini te bohloben sc'oblalic awu'unic. Mach'ayuc a te ya spicbe te schamen baq'uetal, ma me lecuc sc'oblal ya xhil c'alal ta yihc'ubel q'uinal.

Levítico 11:32

Soc bohloben sc'oblal ya xhil spisil biluquetic teme ay chamen ya xch'ayic cohel tal ta sba, aunque pasbil ta te', c'u'ul, nuhcul, costal, o biluc a'tejibalul yu'un a'tel, ya me yich' otsesel ta ha', ma me lecuc sc'oblal ya xhil c'alal ta yihc'ubel q'uinal, hich me lecubenix sc'oblal ya xhil a.

Levítico 11:39

Teme ay ya xcham chambahlametic te lec ta we'el, teme ay mach'a ya spicbe te sbaq'uetal, ma me lecuc sc'oblal ya xhil c'alal ta yihc'ubel q'uinal.