Levítico 17:11 - Bible in Tzeltal Bachajón

¹¹ Como ay ta ch'ich' te scuxlejal, soc ho'on la jca'beyex te ch'ich' scuenta stojel mulil awu'unic ta scajtajib ta chiq'uel mahtanil; ha nix te ch'ich' te ya stojbe smul.

Bible in Tzeltal de Oxchuc y Tenejapa

¹¹ Melel spisil te bitic cuxulique, ja' cuxul a te xch'ich'el ay ta sbaq'uetale. Jo'on cac'ojbeyex ta scajtijib ta chiq'uel majt'anil te xch'ich'el te chambalame, melel ja' ta swenta te ch'ich' te ya atojic a te ya xcol te acuxlejalique, melel ta swenta ch'ich' ya xtojob scolel te acuxlejale.

Levítico 17:11 Referans Kwoze

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Romanos 3:25

Dios la yac' te ha la stojbotic jmultic te Jesús teme jch'uhunejtic te la smal sch'ich'el cu'untic. Tey la yac' ta ilel a te stojil bin ya spas, como cuhch yu'un te ma ba la yich' ta cuenta te muliletic ta namey,

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

San Marcos 14:24

Hich la yal: Ha jch'ich'el ini yu'un te yach'il chapbil-c'op te ha ya yich' malel ta scuenta tsobolic.

Génesis 9:4

Yan te ti'bal te yich'oj to sch'ich'el, te ha scuxlejal, ma me xawe'ic stuquel,

Colosenses 1:14

te ha ta scuenta te mambil jcoleltic ta sch'ich'el, ha te perdón yu'un te jmultique.

San Mateo 26:28

ha jch'ich'el ini yu'un te yach'il chapbil-c'op, te ha ya yich' malel scuenta tsobolic yu'un sch'ayojibal mulil.

Hebreos 13:12

Ha nix scuentahil a te Jesús c'ax swocol ta sti'il te pueblo scuenta yu'un ya sch'ultes te ants-winiquetic ta scuenta te sch'ich'ele.

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Levítico 17:14

como ay ta ch'ich' te scuxlejale. Ha scuentahil te la jcalbe te snich'nab Israel: Ma me xawe'beyic sch'ich'el biluc a te cuxule, como ay ta ch'ich' te scuxlejale. Mach'ayuc a te ya swe', ya me yich' loq'uesel bahel.

1 Pedro 1:2

te tsahbilic ta scuenta te nahil na'bot sbahic yu'un te Jtatic Dios, ta scuenta te ch'ultesel yu'un te Espíritu, yu'un ya sch'uhumbeyic smandar te Jesucristo soc ya yich'ic tsihtsinel ta sch'ich'el: Bayeluc me yutsil-o'tanil soc lamal q'uinal ta atojolic.

Colosenses 1:20

soc te ha ta scuenta te ya yac' te ya xlecub yo'tanic soc Dios spisil bintic ay ta bahlumilal soc spisil bintic ay ta ch'ulchan, ha la yac' lamal q'uinal ta scuenta sch'ich'el te la yich' malel ta cruz.

Romanos 5:9

Te bin ut'il halbilix te toj ayotic ta scuenta sch'ich'el, c'ax to xan hich ya xcolotic ta stojol te yilimba Dios ta scuenta Cristo,

Levítico 8:15

Te Moisés la smil, la yich'be te sch'ich'el, ta yal sc'ab la sjaxbe ta xulubiletic soc ta sjoyobal te scajtajib ta chiq'uel mahtanil, yu'un ya slecubtes. Te ch'ich' te hile, la smalbe ta yoc te scajtajib, hich la sch'ultes scuenta yu'un tey ya yich' pasel a te stojel mulile.

1 Juan 2:2

Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

Levítico 16:11

Te Aarón ya yic' tal te jcolel toro te ya xtuhun scuenta mahtanil yu'un smul, ya smil te jcolel toro scuenta milbil mahtanil yu'un smul soc smul te mach'atic ay yu'un ta sna.

Levítico 1:5

Ya smil te jcolel toro ta stojol Jehová. Te snich'nab Aarón, ha te sacerdotehetic, ya ya'beyic smahtanin Jehová te ch'ich', ya stsihtsimbeyic ta sjoyobal te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Levítico 17:12

Ha scuentahil te la jcalbe te snich'nab Israel: Ma me ayuc jtuhluc ta awohlilic te ya swe' ch'ich', ni ha'uc te jyanlum nahinem ta awohlilic te ya swe' ch'ich'.

Levítico 4:25

Te sacerdote ya yich'be sch'ich'el te mahtanil, ya sjaxbe soc yal sc'ab ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Levítico 4:26

Soc ya schic'be spisil te sjuhp'el ta sba te scajtajib ta chiq'uel mahtanil, hich te bin ut'il te sjuhp'el te milbil mahtanil scuenta lamal q'uinal. Te sacerdote hich ya spasbe te stojel mulil yu'un, hich ya sta perdón a.

Deuteronomio 12:23

Ha nax hichuc stalel awo'tan te ma ba yac awe' ch'ich', como ha cuxlejal te ch'ich', ma me pajaluc yac awe' soc scuxlejal te sti'balule.