Levítico 17:10 - Bible in Tzeltal Bachajón

¹⁰ Mach'ayuc winiquil ta sna Israel o jyanlum te nahinem ta awohlilic te ya swe' ch'ich', ma lecuc co'tan yu'un te mach'a ya swe' ch'ich, ya me jloq'ues ta yohlil te slumale.

Bible in Tzeltal de Oxchuc y Tenejapa

¹⁰ “Jo'on me ya cac'bey smulin mach'auc israelil o jyanlumil te ay ta awolilic, teme ya slo' ch'ich', chican bila ya yut ya slo', ya me jloq'ues ta yolil te yajwal lume.

Levítico 17:10 Referans Kwoze

Levítico 17:11

Como ay ta ch'ich' te scuxlejal, soc ho'on la jca'beyex te ch'ich' scuenta stojel mulil awu'unic ta scajtajib ta chiq'uel mahtanil; ha nix te ch'ich' te ya stojbe smul.

Deuteronomio 12:23

Ha nax hichuc stalel awo'tan te ma ba yac awe' ch'ich', como ha cuxlejal te ch'ich', ma me pajaluc yac awe' soc scuxlejal te sti'balule.

Deuteronomio 12:16

ha nax ma me xawe'ic te ch'ich'e, ya me amal ta lum hich te bin ut'il ha'.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Jeremías 44:11

Ha yu'un hich yaloj te Jehová te scuentahinej spisil, te Dios yu'un Israel: Ilawil, jnopoj te ya cac' tal bin chopol ta atojolic yan buelta, ya jin spisil Judá.

1 Samuel 14:33

Pero ay mach'atic baht yalbeyic te Saúl: Yac stahbel smulic ta stojol Jehová te winiquetic, como yacalic ta swe'el ti'bal soc sch'ich'el, xchihic c'ohel. La yal te Saúl: ¡Ma ba jun awo'tanic! Tselbonic tal jun muc'ul ton, xchi.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Génesis 9:4

Yan te ti'bal te yich'oj to sch'ich'el, te ha scuxlejal, ma me xawe'ic stuquel,

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.

Ezequiel 15:7

Ya cac' jsit quelaw ta scontrahinel; aunque colic ta c'ahc' ya to yich'ic lajinel ta c'ahc'. Ya me ana'ic te ho'on Jehovahon te c'alal ya cac' jsit quelaw ta scontrahinel.

Ezequiel 14:8

Ya cac' jsit quelaw ta scontrahinel soc ya cac' te ha seña soc tsahbil c'op ya xc'oht, soc ya jloq'ues ta yohlil te pueblo cu'une. Ya me ana'ic te ho'on Jehovahon.

Salmos 34:16

Te Jehová ya yilintay te mach'atic ya spasic te bin chopol, yu'un ya stup'be ta bahlumilal te sna'ojibal yu'unique.

Deuteronomio 15:23

ha nax ma me xawe'be sch'ich'el, ya me amal ta lum hich te bin ut'il ha'.

Levítico 19:26

Ma me xawe'ic ti'bal te ay to sch'ich'ele. Ma me x'ochex ta sc'asesel chopol señahetic, soc ma me x'ochex ta jna'ojel.

Ezequiel 33:25

Ha yu'un hich xawalbeyic: Hich yaloj te Jehová, te Ajwalil: Yac ati'ic ti'bal soc sch'ich'el, soc yac awil mohel te loc'ombahetic awu'unic soc yac amalic ch'ich', ¿yu'un bal yac awu'untayic te q'uinale?

Jeremías 21:10

Como jnopoj te ya ca'be te bin chopol, ma ha'uc te bin lec, te pueblo ini, xchi te Jehová. Ya x'a'bot ta sc'ab te ajwalil yu'un Babilonia, ha me ya ya'be sc'ahc'al.

Hechos 15:20

pero ya jts'ihbabetic te manchuc ya yac' sbahic a te bintic bohloben yu'un te loc'ombahetic, ma me xya'iyic antsiwej o ma me xyac' sbahic ta antsinel, ma me swe'ic chambahlametic te ts'otbil nax ta snuc', soc ma me swe'ic ch'ich';

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

Hechos 15:29

Ma me xawe'ic te bin a'bot scuenta milbil mahtanil yu'un loc'ombahetic, ma me xawe'ic ch'ich' o te bin ts'otbil nax ta snuc', soc ma me xawa'iyic antsiwej o ma me xawac' abahic ta antsinel. Teme hich yac ach'uhunic spasele, lec bin yac apasic, xchi te carta.

1 Samuel 14:32

Ha yu'un hahch stsaquic ta ora te bintic pojbilic, la stsaquic tuminchijetic, wacaxetic, bic'tal wacaxetic, la smilic ta lum, la swe'ic soc sch'ich'el.

2 Samuel 23:17

yu'un hich la yal: Ma ba ya jpas ini, Jehová. ¿Ya bal cuch'be sch'ich'elic te winiquetic te la sloq'ues sba ta yo'tanic te scuxlejalic? xchi. Hich ma ba la sc'an la yuch'. Hich la spasic te oxtuhl winiquetic te ma xiwic.

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.