Levítico 16:34 - Bible in Tzeltal Bachajón

³⁴ Ha mandar awu'unic te ma xlaj sc'oblal scuenta spasel stojel mulil jun buelta ta jujun ha'bil, yu'un spisil smul te Israel, xchi te Jehová. Te Moisés hich la spas te bin ut'il halbot yu'un Jehová.

Bible in Tzeltal de Oxchuc y Tenejapa

³⁴ “Ja' in to ja' me mandal ta atojolic te ma'yuc bi ora ya xlaj sc'oplal awu'unique: jun buelta ta jun ja'wil ya apasic te bila ya yich' pasulayel ta swenta stael perdón yu'un te amulique, ja' te muliletic spasojic te alumal israele. Jich me ya xc'o awal ta stojolic —xi' te Cajwaltique. Mero jich la yich' pasel te bit'il albot yu'un Cajwaltic te Moisese.

Levítico 16:34 Referans Kwoze

Hebreos 9:7

Pero ta scha'tsahlal junax buelta ta jujun ha'bil ya x'och tey a te muc'ul sacerdote, ya yich' ochel ch'ich' te ya yac' ta stojol Dios yu'un stojel smul soc yu'un smul te pueblo te ma yolojuc la spasique.

Hebreos 9:25

Ma yu'unuc te bayel buelta ya yac' sba ta lajel, hich te bin ut'il jujun ha'bil te muc'ul sacerdote ya x'och bahel ta Mero Ch'ul Awilal soc ch'ich' te ma ha'uc yu'une.

Éxodo 30:10

Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Hebreos 10:14

como ta scuenta junax milbil mahtanil la slecubtes sbahtel q'uinal te mach'atic ch'ultesbilique.

Hebreos 10:3

Pero te milbil mahtanil te ya yich' aq'uel jujun ha'bil ya ya'be sna'ic te muliletic,

Números 29:7

Ta slajunebal c'ahc'al ta shuquebal u, ay me ch'ul tsoblej awu'unic; ya me acom awe'elic, soc ma me xapas awa'telic a.

Levítico 23:31

Ma me ayuc bin a'telil yac apasic a; ha mandaril te ma xlaj sc'oblal ta cajalcaj ats'umbal ta bayuc te ya xnahinex.

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Levítico 17:1

Te Jehová la yalbe te Moisés:

Levítico 23:28

Ma me ayuc bin a'telil yac apasic a, como ha Sc'ahc'alel Stojel Mulil, yu'un ya yich' tojel amulic ta stojol Jehová te Dios awu'unique.

Éxodo 39:43

Te Moisés c'alal la yil spisil te a'tel, te hich la spasic te bin ut'il yaloj ta mandar te Jehová, la yac'ticlambe bendición.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Levítico 24:23

Te Moisés la sc'opon te snich'nab Israel, hich la sloq'uesic bahel ta campamento te jbohlc'optaywanej, la sch'ojic ta ton. Te snich'nab Israel la spasic hich te bin ut'il halbot yu'un Jehová te Moisés.