Levítico 16:31 - Bible in Tzeltal Bachajón

³¹ Ha sc'ahc'alel cux-o'tan awu'unic soc te yac acom abahic ta spasel te bin scuenta abaq'uetal; ha mandaril te ma xlaj sc'oblal.

Bible in Tzeltal de Oxchuc y Tenejapa

³¹ Ja' me te stalel ya xjil ta atojolique: ja' me jun c'aal te tsabil ta atojolic te yorail ya acux awo'tanic, soc tsabil yu'un yorail ya acom awe'elic.

Levítico 16:31 Referans Kwoze

Levítico 23:32

Ha sc'ahc'alel cux-o'tan awu'unic, ya me acom awe'elic; ya xhahch ta stibiltayel q'uinal ta sbalunebal c'ahc'al yu'un te u; ta stibiltayel q'uinal c'alal ta yan stibiltayel q'uinal ya me acux awo'tanic, xchi.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Isaías 58:3

Hich ya yalic: ¿Bin yu'un ya jcom jwe'elcotic, pero ma ba yac awich' ta cuenta; ya jpehc'an jbahcotic pero mayuc ta cuenta awu'un? xchihic. Ilawil, ta sc'ahc'alel te yac acom awe'elic yac alehic bin yac amulanic soc yac atenic ta a'tel te j'a'teletic awu'unique.

Levítico 25:4

Pero ta shuquebal ha'bil ya me scux yo'tan te lumq'uinal, ha cux-o'tan ta scuenta Jehová; ma me xawa'iy ts'umbajel ta aq'uinal soc ma me xaloq'uesbe staquin c'ab te ats'usubile.

Éxodo 35:2

Waqueb c'ahc'al ay a'tel, yan ta shuquebal c'ahc'al ch'ultesbil me awu'unic, ha sc'ahc'alel cux-o'tan yu'un te Jehová; mach'ayuc te ya x'a'tej a, ya me yich' milel.

Éxodo 31:15

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan te ch'ultesbil yu'un Jehová. Mach'ayuc a te ya x'a'tej ta sc'ahc'alel cux-o'tan ya me xlaj.

Esdras 8:21

La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Daniel 10:12

Hich la yalbon: Ma xiwat, Daniel, como c'alal ta shahchibal te la anop ta awo'tan te yac ana'be scuentahil soc te la apehc'an aba ta stojol te Dios awu'un, la ya'iybat te ac'ope. Ha talon yu'un te ac'ope.