Levítico 16:29 - Bible in Tzeltal Bachajón

²⁹ Ha mandaril awu'unic ini te ma xlaj sc'oblal: Ta lajuneb c'ahc'al yu'un te shuquebal u ya me acom abahic ta spasel te bin scuenta abaq'uetal, soc ma ba yac apas awa'telic a, te mach'a ha nix slumal soc te jyanlum nahinem ta awohlilique,

Bible in Tzeltal de Oxchuc y Tenejapa

²⁹ “Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Levítico 16:29 Referans Kwoze

Isaías 58:3

Hich ya yalic: ¿Bin yu'un ya jcom jwe'elcotic, pero ma ba yac awich' ta cuenta; ya jpehc'an jbahcotic pero mayuc ta cuenta awu'un? xchihic. Ilawil, ta sc'ahc'alel te yac acom awe'elic yac alehic bin yac amulanic soc yac atenic ta a'tel te j'a'teletic awu'unique.

Números 29:7

Ta slajunebal c'ahc'al ta shuquebal u, ay me ch'ul tsoblej awu'unic; ya me acom awe'elic, soc ma me xapas awa'telic a.

Daniel 10:12

Hich la yalbon: Ma xiwat, Daniel, como c'alal ta shahchibal te la anop ta awo'tan te yac ana'be scuentahil soc te la apehc'an aba ta stojol te Dios awu'un, la ya'iybat te ac'ope. Ha talon yu'un te ac'ope.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Salmos 35:13

Pero te ho'one, te c'alal tsacotic ta chamel, la jlap pac' yu'un mel-o'tan; la jcac' jwocol ta scomel jwe'el, suht ta jtojol te bin la jc'ambe Dios.

Levítico 23:36

Huqueb c'ahc'al yac awa'beyic chic'bil mahtanil te Jehová; ta swaxaquebal c'ahc'al ay ch'ul tsoblej awu'unic soc yac awa'beyic chic'bil mahtanil te Jehová. Ha q'uin, ma me xapas awa'telic a.

Levítico 23:21

Ha nix ta sc'ahc'alel a ya me apasic ch'ul tsoblej, ma me xapas awa'telic a. Ha mandaril te ma xlaj sc'oblal ta cajalcaj ats'umbalic ta bayuc te ya xnahinex.

Éxodo 20:10

yan te shuquebal c'ahc'al ha me cux-o'tan yu'un Jehová te Dios awu'une; ma me x'a'tejat a, ha'at, aquerem, awantsil-nich'an, awa'bat, acriada, achanabahlam, o te jyanlum te ay ta awohlil.

Hebreos 4:10

como te mach'a ochemix ta cux-o'tanil ya scuxix yo'tan yu'un te ya'tel, hich te bin ut'il la scux yo'tan Dios yu'un te ya'tele.

1 Corintios 11:31

Ha yu'un teme ya jtsahtay co'tantic, ma ba ya jtahtic ich'el ta c'op.

Daniel 10:3

Ma ba la jwe' lequil we'elil, ma ba la jwe' ti'bal, ma ba la jcuch' vino, soc ma ba la jca'be jba perfume ha to c'alal ts'acay te oxeb semana.

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,

Salmos 69:10

Te c'alal ya x'oc'on soc ya jcom jwe'el, ya quich' labanel yu'un;

Esdras 3:1

C'alal la sta te shuquebal u, ayiquix ta jujuntic pueblo yu'unic a te snich'nab Israel, junax la stsob sbahic ta Jerusalén.

1 Reyes 8:2

La stsob sbahic soc te ajwalil Salomón spisil te winiquetic yu'un Israel ta u Etanim, te ha shuquebal u yu'un te ha'bil, ta yorahil q'uin.

Levítico 23:3

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

Éxodo 30:10

Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Éxodo 12:16

Ta sba c'ahc'alil ay me ch'ul tsoblej awu'unic a, soc ha nix hich ta shuquebal c'ahc'al ay me ch'ul tsoblej awu'unic a. Mayuc a'tel ya yich' pasel a, ha nax spasel te we'elil te yac awe'ique.

Hechos 27:9

C'axix bayel c'ahc'al a, yorahilix wocol behel ta barco a, te bin ut'il c'axix yorahil te scomel we'elil, ha yu'un te Pablo la ya'be sna'ic te bin lec ta pasel, hich la yal:

Éxodo 31:14

Ya me acanantayic te sc'ahc'alel cux-o'tan, como ch'ultesbil ta acuentahic. Te mach'a ya sbohlobtesbe sc'oblal ya me xlaj; mach'ayuc a te ya spas biluc a'telil a, ya me yich' loq'uesel ta yohlil te pueblo yu'une.

Éxodo 31:15

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan te ch'ultesbil yu'un Jehová. Mach'ayuc a te ya x'a'tej ta sc'ahc'alel cux-o'tan ya me xlaj.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

1 Samuel 7:6

Ha yu'un la stsob sbahic ta Mizpa, la sliquic tal ha', la smalic ta stojol Jehová; ha nix sc'ahc'alel a la scom swe'elic, soc hich la yalic: La jta jmultic ta stojol Jehová, xchihic. Te Samuel ha juez yu'un te snich'nab Israel ta Mizpa.

Esdras 8:21

La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Levítico 25:9

Ya me awac' ta tulan oq'uesinel xulubil ta slajunebal c'ahc'alil yu'un te shuquebal u; ta Sc'ahc'alel Stojel Mulil yac awoq'uesinic xulubil ta spahmal aq'uinal.