Levítico 16:24 - Bible in Tzeltal Bachajón

²⁴ Ya x'atin ta lugar te ch'ultesbil, patil ya slap sc'u' spac' soc ya xloc' bahel, ya yac' te scohtol chic'bil mahtanil yu'un soc yu'un te pueblo, hich ya spasbe te stojel smul soc te smul te pueblohe.

Bible in Tzeltal de Oxchuc y Tenejapa

²⁴ Tey me ya spoc sba ta ja'. Slapojix sc'u'-spac' a, ya xloc' bael swenta yu'un ya me yac' te majt'anil te scojt'ol ya yich' chiq'uele, soc te ya yac' yu'un te yajwal lume. Jich me ya sta a te perdón yu'un smul soc nix yu'un smulic te yajwal lume.

Levítico 16:24 Referans Kwoze

Hebreos 9:10

como ha nax sc'oblal we'el-uch'el, te bintic ut'il la spoc sbahic, soc te mandariletic scuenta baq'uet; ha ac'bilic ha to c'alal ya sta yorahil te ya yich' ach'ubtesel te bintic aye.

Levítico 22:6

te mach'a hich ya spic, bohloben sc'oblal ya xhil c'alal ta yihc'ubel q'uinal, ma xhu' ya swe' te bin ch'ultesbil ha to teme atine.

Levítico 14:9

Ta shuquebal c'ahc'al ya me squits' spisil stsotsel sjol, yisim, smahcub soc spisil stsotsel, ya sac' te sc'u' spac', soc ya spoc sba scohtol ta ha', hich lecubenix sc'oblal ya xhil.

Éxodo 28:40

Te snich'nab Aarón ya me apasbe smuc'ul-c'u'ic, schuhquil sch'uhtic, soc spixjol paq'uetic scuenta yutsilic soc yich'elic ta muc'.

Éxodo 28:41

Ha me yac awa'be sc'u'inic te abanquil Aarón soc te snich'nabe. Ya me amalticlambe aceite ta sjolic, ya me awa'be yich' ya'telic, ya me ach'ultes, scuenta yu'un ha sacerdotehetic ya xc'ohtic cu'un.

Levítico 16:25

Ya schic' ta scajtajib ta chiq'uel mahtanil te sjuhp'el te milbil mahtanil yu'un mulil.

Levítico 9:7

Te Moisés la yalbe te Aarón: Nohpojan tal ta scajtajib ta chiq'uel mahtanil, ac'a te milbil mahtanil yu'un mulil soc te scohtol chic'bil mahtanil awu'un, soc pasa te stojel mulil awu'un soc yu'un te pueblo; ha nix hich ac'a te mahtanil yu'un te pueblo, soc pasbeya te stojel smulic, hich te bin ut'il yaloj te Jehová, xchi.

Ezequiel 42:14

C'alal ya x'ochic bahel te sacerdotehetic ma ba ya xloq'uic ta ch'ul lugar yu'un ya xbahtic ta shahchibal amac', ya sc'an te nahil ya scholic hilel tey a te sc'u'ic yu'un spasel te ya'telic, como ch'uhltesbilic. Ya slapic yan sc'u'ic, hich ya xnohpojic bahel ta banti ay te ants-winiquetique, xchi.