Levítico 16:22 - Bible in Tzeltal Bachajón

²² Te tat tentsun ya scuchbe bahel spisil smulic ta lugar banti mayuc mach'atic nahinemic. Te winic ya yihquitay hilel te tat tentsun ta jochol taquin q'uinal.

Bible in Tzeltal de Oxchuc y Tenejapa

²² Teme ch'ay bael ta jochol taquin q'uinal te tentsune, ya me x'ich'botic bael yu'un spisil te smulic ta banti ma'yuc mach'atic nainemique.

Levítico 16:22 Referans Kwoze

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Hebreos 9:28

ha nix hich te Cristo, jmehl nax la yac' sba ta lajel yu'un sch'aybeyel smul tsobolic; soc ya xcha'tal xan, pero ma yu'unuc sch'ayel mulil, ha ya xtal scoltay te mach'atic yac smahliybelic.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

Gálatas 3:13

Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

Miqueas 7:19

Ya scha'na'botic xan yo'bolil jbahtic; ya sts'o'ts'o'tec' te jmultic, soc ya sch'oj bahel ta sc'ubulil mar spisil te jmultique.

Salmos 103:12

Hich te bin ut'il snamalil yiloj sbahic banti ya xloc' tal c'ahc'al soc te smahlib c'ahc'al, hich la snamijtes bahel te jc'axun-mandar cu'untique.

Salmos 103:10

Ma ba la spasbotic hich te bin ut'il ya sc'an te bintic chopol jpasojtic, ma ba la ya'botic jtoj jmultic hich te bin ut'il ya sc'ane.

Ezequiel 18:22

Ta spisil te bintic la sc'axuntay ma ba ya xna'otix; ha ya xcuxaj ta scuenta te bin stojil la spas.

Levítico 16:21

te Aarón ya scajan sc'ab ta sjol, ya yal ta stojol spisil te bin chopol spasojic te snich'nab Israel, ha te stoybahilic soc spisil smulic. Hich ya ya'be ta sjol te tat tentsun, soc ya scoltay bahel ta jochol taquin q'uinal ta scuenta jtuhl winic te tsahbile.

Levítico 16:23

Patil te Aarón ya x'och bahel ta Nahilpac' Templo yu'un tahojibal, ya sloq'ues te lino c'u'uletic slapoj yu'un ya x'och bahel ta ch'ul awilal, ya yihquitay hilel tey a.

Ezequiel 4:4

Te ha'ate ya me ats'ehan aba ta q'uexam soc ya me awac' ta aba te smul Israel. Te jayeb c'ahc'al ts'ehelat tey a ya me awich'be te smulique.

Levítico 14:7

ya stsihtsin huqueb buelta te mach'a ya yich' lecubtesel yu'un te sc'a'el-chamele, c'alal yaloj te lecubix sc'oblal, ya scoltay bahel te tut ha'mal mut cuxule.