Levítico 16:15 - Bible in Tzeltal Bachajón

¹⁵ Patil ya smil te tat tentsun scuenta mahtanil yu'un smul te pueblo, ya yich'be ochel te sch'ich'el ta yutil te tsalul pac'; hich ya spas te bin ut'il la spasbe te sch'ich'el te jcolel toro, ya stsihtsimbe ta sba soc ta stojol te yawil stahel perdón.

Bible in Tzeltal de Oxchuc y Tenejapa

¹⁵ C'alal la spasix, ya me smil te tentsun swenta milbil majt'anil yu'un smul te yajwal lume, ya me yich'bey bael xch'ich'el ta banti spat te pac' t'imile; tey ta yutile ya me stsijts'anbey ta sba soc ta yelaw te yawil perdone, mero jich nix te bit'il la spasbey te xch'ich'el toro.

Levítico 16:15 Referans Kwoze

Hebreos 9:7

Pero ta scha'tsahlal junax buelta ta jujun ha'bil ya x'och tey a te muc'ul sacerdote, ya yich' ochel ch'ich' te ya yac' ta stojol Dios yu'un stojel smul soc yu'un smul te pueblo te ma yolojuc la spasique.

Hebreos 9:12

Ma ba och ta scuenta sch'ich'el tat tentsunetic o jcolel wacaxetic, ha och ta scuenta sch'ich'el nix stuquel, och bahel junax buelta ta Mero Ch'ul Awilal, te bin ut'il wehtemix yu'un te colel scuenta sbahtel q'uinal.

Hebreos 9:3

Ta spat te schebal stsahlul pac' ay te Mero Ch'ul Awilal sbihil

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

Hebreos 6:19

Te smuc'ul-o'tanil ini ha ancla c'ohem yu'un te jch'uhleltic, te stalel ay soc ma syuc' sba, te ya x'och bahel c'alal ta yutil te stsalul pac' ta templo,

Hebreos 5:3

ha scuentahil te ya sc'an ya yac' milbil mahtaniletic yu'un stojel smul soc stojel te smul te pueblo.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Hebreos 7:27

Ma hichuc ay te bin ut'il te yantic muc'ul sacerdotehetic te jujun c'ahc'al nahil ya ya'be milbil mahtaniletic scuenta stojel smulic, patil ya ya'be yu'un te pueblo; como te Jesús junax buelta la yac' milbil mahtanil scuenta sbahtel q'uinal te c'alal la yac' sba ta lajel.

Hebreos 9:13

Como te sch'ich'el torohetic soc tat tentsunetic soc te stanul te jcolel wacax te la yich' tsihtsinel ta stojol te mach'atic bohloben sc'oblalic, teme la slecubtesbe sbaq'uetalic,

Levítico 4:21

Ya sloq'ues bahel te jcolel toro ta fuera yu'un te campamento, ya schic' hich te bin ut'il la schic' te yan jcolel toro; ha milbil mahtanil yu'un stojel mulil yu'un te pueblo.

Levítico 4:5

Te sacerdote te yich'oj malel aceite ya yich' bahel jtebuc sch'ich'el te jcolel toro ta yutil te Nahilpac' Templo yu'un tahojibal.

Números 17:11

Te Moisés hich nix la spas te bin halbot yu'un Jehová.

Números 28:15

Soc ya me yich' a'beyel Jehová jcoht tat tentsun scuenta mahtanil yu'un stojel mulil; parte a te scohtol chic'bil mahtanil te ya yich' aq'uel spisil ora soc te malbil mahtanil yu'une.