Levítico 15:18 - Bible in Tzeltal Bachajón

¹⁸ Te c'alal ya sjoquin sbahic ta wayel te winic soc ants, teme loc' te snich'an, ya me x'atinic, bohloben sc'oblal ya xhilic c'alal yihc'ubel q'uinal.

Bible in Tzeltal de Oxchuc y Tenejapa

¹⁸ “Te winic soc ants te ya sta sbaique, ya me spoc sbaic xchebalic ta ja', ma ba lec ya xjilic sc'oplal c'alal yijc'ubel q'uinal.

Levítico 15:18 Referans Kwoze

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

2 Timoteo 2:22

Ahnan loq'uel ta stojol te bin ya smulan spasel sbaq'uetal te ach'ix-queremetic, t'una te bin stojil ta pasel, te sch'uhunel-o'tanil, sc'uxul-o'tanil soc lamal q'uinal, ha xat'un soc te mach'atic pocbil yo'tanic a ya yalbeyic wocol te Cajwaltique.

1 Corintios 6:18

Ahnanic ta stojol antsiwej. Spisil yantic muliletic te ya spasic ants-winiquetic ma ba ay ta sbaq'uetal; yan te mach'a ya ya'iy antsiwej, ya sta smul ta stojol te sbaq'uetale.

1 Corintios 6:12

Libre ayon ta spasel spisil, pero ma spisiluc lec ta pasel; libre ayon ta spasel spisil, pero mayuc bin ya cac' yu'untayon.

Salmos 51:5

Chopolonix a c'alal ayinon, jmulawilon a c'alal hahchon ta sch'uht jnan.

Levítico 15:5

Mach'ayuc a te ya spicbe swayib ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Éxodo 19:15

Hich la yalbe te pueblo: Chapaluquex me te cha'beje; ma me xata abahic soc ants, xchi.

Levítico 15:16

Teme ay winic te ya xmal loq'uel snich'an, ya me x'atin scohtol, soc bohloben sc'oblal ya xhil c'alal yihc'ubel q'uinal.

Levítico 15:17

Biluc c'u'ulil o nuhcul te banti c'oht te snich'an ya me yich' saq'uel ta ha', soc bohloben sc'oblal ya xhil c'alal yihc'ubel q'uinal.

2 Samuel 11:4

Te David la sticon bahel a'batetic ta yiq'uel tal. Hich tal ta stojol, way soc. (Slecubtesejix sba a yu'un te bohloben sc'oblal yu'un te schamel scuenta jujun u.) Patil suht bahel ta sna.