Levítico 14:48 - Bible in Tzeltal Bachajón

⁴⁸ Yan teme ya x'och bahel te sacerdote ta stsahtayel yil ta lec, teme ya yil te ma ba puhquemix bahel te c'alal yich'ojix yach'il spahc'ul, ya yal te lequix ay te nahe, como ch'ayix te stotol ya xlajinwane.

Bible in Tzeltal de Oxchuc y Tenejapa

⁴⁸ “Teme ya x'och bael ta na te sacerdote ta stsajtayel yil ta leque, teme ya yil te ma ba pujq'uemix bael a te c'alal la yich' xan yach'il spajc'ul, ya me yal ta jamal te lec sc'oplal te nae, melel lajix te bila ma lecuc sc'oplale.

Levítico 14:48 Referans Kwoze

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

San Lucas 7:21

Ha yorahil a te la slecubteslan bayel ta chahp jchameletic, soc la sloq'ueslan bohl espírituhetic, soc ay bayel ts'o'sitetic te la sjamticlambe sitic.

San Marcos 5:34

Te Jesús la yalbe: Cantsil-nich'an, colatix ta scuenta sch'uhunel awo'tan. Bahan, lamaluc me q'uinal yac awa'iy, colematix ta awocol, xchi sc'oblal.

San Marcos 5:29

Hich ora quehchaj te sch'ich'ele. La ya'iy sba te lequix ay yu'un te swocole.

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.

Job 5:18

Como ha nix te mach'a ya yac' ehchen, soc ha nix te ya spots; ya yehchentes, ha nix ya spoxtay ta sc'ab.

Levítico 14:3

te ha ya xloc' bahel ta campamento, tey ya xc'oht stsahtay yil ta lec a. Teme ya yil te ch'ayemix te sc'a'el te yich'oje,

Levítico 14:43

Teme ya xcha'chicnaj stotol ta na, te c'alal la yich'ticlanix loq'uesel a te tonetic soc la yich'ix jochel a te spahc'ul, soc te la yich'ix maquel yan buelta ta yach'il,

Levítico 14:47

Mach'ayuc a te ya xway o ya xwe' tey ta na ya me sac' sc'u' spac'.

Levítico 14:49

Ta scuenta slecubtesel te nahe, ya yich'ticlan tal cheb bic'tal ha'mal mutetic, cedro-te', tsajal pac' soc hisopo;