Levítico 14:14 - Bible in Tzeltal Bachajón

¹⁴ Te sacerdote ya yich' te sch'ich'el te mahtanil yu'un stahel falta, ya sjaxbe ta sc'unil swa'el chiquin te mach'a ya yich' lecubtesel, ta sme' swa'el-c'ab soc ta sme' swa'el yoc.

Bible in Tzeltal de Oxchuc y Tenejapa

¹⁴ “Te sacerdote ya me stsac jtebuc ta sc'ab te xch'ich'el te milbil majt'anil yu'un falta. Ya me yich' jaxel ta sc'unil swa'el chiquin te mach'a ya yich' lecubtesel sc'oplal, ta sme' swa'el sc'ab, soc ta sme' swa'el yacan.

Levítico 14:14 Referans Kwoze

Éxodo 29:20

Ya me amil te tat tuminchij, ya me awa'be sch'ich'el ta sc'unil swa'el schiquinic te Aarón soc snich'nab, ta swa'el sme' sc'abic, soc ta swa'el sme' yoquic, soc ya me atsihtsimbe sch'ich'el ta sjoyobal te scajtajib ta chiq'uel mahtanil.

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Filipenses 1:20

Ha ya sc'an co'tan soc ha smuc'ul co'tan te mayuc bin ya jta q'uexlal yu'un, pero socuc yip co'tan ta ora ini, hich te bin ut'il ta spisil ora, yacuc x'ich'ot ta muc' Cristo ta scuenta jbaq'uetal, teme cuxulon o teme ya xchamone,

1 Corintios 6:20

como ay atojolic mambilex; ha yu'un ac'ahic ta ich'el ta muc' Dios soc abaq'uetalic soc ach'uhlelic, como yu'un Dios ta schebal.

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

Romanos 6:19

Hich ya xc'opojon te bin ut'il winic ta scaj te ch'ich'-baq'uetex te mayuc awipic. Hich te bin ut'il la awac' ta a'batinel abaq'uetalic yu'un spasel te bintic ihlobtic sba soc te bintic chopol, ha nix hich yo'tic ac'a ta a'batinel abaq'uetalic yu'un spasel te bintic toj scuenta ach'ulteselic.

Romanos 6:13

soc ma me xawac' ta tuhunel yu'un mulil te abaq'uetalic ta spasel bintic chopol, ha me xawac' abahic ta stojol Dios, te bin ut'il cuxajemex loq'uel tal ta yohlil mach'atic chamenic; ha me xawac' ta tuhunel yu'un Dios te abaq'uetalic ta spasel bintic toj.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

Levítico 14:19

Patil ya me yac' te milbil mahtanil yu'un mulil te sacerdote, ya spasbe te stojel mulil te mach'a yac yich'bel lecubtesel yu'un te bohloben sc'oblale. Patil ya me smil te scohtol chic'bil mahtanil,

Levítico 14:25

Patil ya smil te jcoht jcolel tat tuminchij scuenta mahtanil yu'un stahel falta, te sacerdote ya yich'be te sch'ich'el, ya sjaxbe ta sc'unil swa'el chiquin te mach'a yac yich'bel lecubtesel, ta sme' swa'el sc'ab soc ta sme' swa'el yoc.

Deuteronomio 24:8

Te banti te c'a'el-chamel, buen tsahtaybiluc me awu'unic yac apasic spisil te bin ya yalbeyex apasic te sacerdote-levitahetique; hich te bin ut'il la jpasex ta mandar, hich ni me xapasic.