Levítico 14:13 - Bible in Tzeltal Bachajón

¹³ Ya me smil te jcolel tat tuminchij ta ch'ultesbil yawil te banti ya yich' milel te mahtanil yu'un mulil soc te scohtol chic'bil mahtanil, como te mahtanil yu'un stahel falta ha me yu'un te sacerdote, hich nix te bin ut'il te mahtanil yu'un mulil; mero ch'ultesbil.

Bible in Tzeltal de Oxchuc y Tenejapa

¹³ Ya me smil te chij ta ch'ul awilal te banti ya yich' bojel snuq'uic te chambalametic, te ya yich'ic aq'uel swenta milbil majt'aniletic yu'un mulil, soc te ya yich' aq'uel swenta majt'anil te scojt'ol ya yich' chiq'uele. Te milbil majt'anil yu'un te falta staoje, ja' me yu'un te sacerdote pajal soc te milbil majt'anil yu'un mulile, melel mero ch'ultesbil.

Levítico 14:13 Referans Kwoze

Levítico 4:24

Ya scajan sc'ab ta sjol te tat tentsun, ya smil ta lugar te banti ya yich' milel te scohtol chic'bil mahtanil ta stojol Jehová; ha milbil mahtanil yu'un stojel mulil.

Levítico 1:11

Ya smil ta stojol norte yu'un te scajtajib ta chiq'uel mahtanil, ta stojol te Jehová. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal te scajtajib ta chiq'uel mahtanil.

Éxodo 29:11

Ya me amil te jcolel toro ta stojol Jehová, ta yochibal te Nahilpac' Templo yu'un tahojibal.

Levítico 4:4

Ya me yic' tal te jcolel toro ta yochibal Nahilpac' Templo yu'un tahojibal ta stojol Jehová, ya scajan sc'ab ta sjol te jcolel toro, soc ya smil ta stojol Jehová.

Levítico 2:3

Te jayeb ya xhil yu'un te mahtanil, ha yu'un Aarón soc te snich'nabe, ha mero ch'ultesbil mahtanil te ya yich' chiq'uel ta stojol Jehová.

Levítico 21:22

Ya xhu' ya swe' te we'elil yu'un Dios, te bin mero ch'ultesbil soc te bintic ch'ultesbile.

Levítico 10:17

¿Bin yu'un ma ba la awe'ic te mahtanil yu'un mulil ta lugar te ch'ultesbil? Mero ch'ultesbil, soc Dios la ya'beyex scuenta yu'un yac aloq'uesbeyic a te smulic te pueblo, scuenta yu'un ya stahic perdón yu'un smulic ta stojol Jehová.

Levítico 1:5

Ya smil te jcolel toro ta stojol Jehová. Te snich'nab Aarón, ha te sacerdotehetic, ya ya'beyic smahtanin Jehová te ch'ich', ya stsihtsimbeyic ta sjoyobal te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Ezequiel 42:13

Hich la yalbon te winique: Te tsahlaltsahl te ayic ta stojol norte soc te ayic ta stojol sur, te snuhp'usitayej sba soc te shahchibal amac', ha ch'ul stsahluletic te banti ya swe'ic te ch'ul mahtaniletic te sacerdotehetic te ya xnohpojic ta stojol Jehová; tey ya yaq'uic a te ch'ul mahtaniletic, ha te mahtanil harina, te mahtanil yu'un stojel mulil, soc te mahtanil yu'un stahel falta, como ch'ultesbil te tsahlaltsahl.

Levítico 2:10

Te jayeb ya xhil yu'un te mahtanil, ha yu'un Aarón soc te snich'nabe. Ha te bin mero ch'ultesbil yu'un te mahtaniletic ya yich'ic chiq'uel ta stojol Jehová.

Levítico 7:2

Ta lugar banti ya yich' milel te scohtol chic'bil mahtanil, tey nix ya yich' milel a te chambahlam yu'un te mahtanil yu'un stahel falta, soc ya yich' tsihtsinel te sch'ich'el ta sjoyobal ta sba te scajtajib ta chiq'uel mahtanil.