Levítico 14:12 - Bible in Tzeltal Bachajón

¹² Te sacerdote ya me stsac jcoht jcolel tat tuminchij, ha ya yac' scuenta mahtanil yu'un stahel falta, soc te jteb ma sta j'ohlil litro aceite, ya me stuchilan spisil ta stojol Jehová scuenta tuchilambil mahtanil.

Bible in Tzeltal de Oxchuc y Tenejapa

¹² Te sacerdote ya me stsac jcojt'uc chij soc te jteb ma sta olil litro aceite swenta milbil majt'anil yu'un te falta staoje, ya me stoyilay moel spisil ta stojol te Cajwaltique.

Levítico 14:12 Referans Kwoze

Éxodo 29:24

Ya me awa'be spisil ta sc'ab Aarón soc ta sc'ab te snich'nab, ya me atuchilan scuenta tuchilambil mahtanil ta stojol Jehová.

Isaías 53:10

Pero te Jehová la sc'an te ya yac' ta uts'inel, te ya ya'be swocol. Te c'alal yac'ojix sba scuenta milbil mahtanil yu'un mulil, ya me yil te sts'umbal soc ya me xcuxaj bayel c'ahc'al, soc te bin ya sc'an yo'tan te Jehová ya me xc'oht ta pasel ta scuenta.

Éxodo 29:22

Ya me awich'be sjuhp'el te tat tuminchij, soc sjuhp'el sne, te sjuhp'el ta sba sbiquil, sjuhp'el sehcub, schebal sriñon soc sjuhp'el, soc te swa'el cub, como ha tat tuminchij scuenta ch'ultesojibal.

Éxodo 29:26

Ya me atsac te stahn te tat tuminchij scuenta sch'ultesel te Aarón, ya me atuchilan scuenta tuchilambil mahtanil yu'un Jehová; ha awu'un ya xc'oht.

Levítico 14:10

Ta swaxaquebal c'ahc'al ya me stsac cha'coht jcolel tat tuminchijetic te mayuc bin jihnem yu'unic, jcoht jcolel yantsilel tuminchij te jun ya'bilal te mayuc bin jihnem yu'un, oxeb ta slajunebal efa lequil harina wots'bil ta aceite scuenta mahtanil, soc jun log aceite.

Levítico 14:11

Te sacerdote te ya slecubtesbe sc'oblal te jchamele, ha ya stehc'an ta stojol Jehová te mach'a ya yich' lecubtesel soc sbiluc ta stojol te yochibal Nahilpac' Templo yu'un tahojibal.

Levítico 14:19

Patil ya me yac' te milbil mahtanil yu'un mulil te sacerdote, ya spasbe te stojel mulil te mach'a yac yich'bel lecubtesel yu'un te bohloben sc'oblale. Patil ya me smil te scohtol chic'bil mahtanil,

Levítico 5:15

Teme ay mach'a ya sta falta, te ma snopojuc a ya sta smul ta scuenta te bin ch'ultesbil yu'un Jehová, ya me yic' tal ta stojol Jehová scuenta mahtanil yu'un stahel falta jcoht tat tuminchij o tentsun te mayuc bin jihnem yu'une; te stojol te chambahlam ay ta p'isel ta siclo yu'un plata, ha te siclo yu'un te ch'ul awilal; ha mahtanil yu'un stahel falta.