Levítico 14:10 - Bible in Tzeltal Bachajón

¹⁰ Ta swaxaquebal c'ahc'al ya me stsac cha'coht jcolel tat tuminchijetic te mayuc bin jihnem yu'unic, jcoht jcolel yantsilel tuminchij te jun ya'bilal te mayuc bin jihnem yu'un, oxeb ta slajunebal efa lequil harina wots'bil ta aceite scuenta mahtanil, soc jun log aceite.

Bible in Tzeltal de Oxchuc y Tenejapa

¹⁰ Ta swaxaquebal c'aal ya stsac cheb chijetic te ma'yuc bila boloben ta sbaq'uetal, soc jcojt' me' chij te jun to nax ya'wilal te ma'yuc bila boloben ta sbaq'uetal; soc xan, ya me yich' tel olil sjuqueb kilo te mero lequil harina wots'bil soc aceite swenta majt'anil trigo, soc jteb ma sta olil litro aceite.

Levítico 14:10 Referans Kwoze

Levítico 2:1

Teme ay mach'a ya ya'be smahtanin harina te Jehová, ya me yac' lequil harina; ya ya'be aceite soc pom ta sba,

San Lucas 5:14

Te Jesús la spas ta mandar te manchuc ayuc mach'a ya yalbe. Hich la yalbe: Bahan, ac'a aba ta ilel yu'un te sacerdote soc a'beya smahtan Dios yu'un te lecubatix, hich te bin ut'il yaloj mandar te Moisés, scuenta testigo ta stojolic, xchi.

San Marcos 1:44

Ilawil, ma me ayuc mach'a xawalbe ya'iy. Bahan, ac'a aba ta ilel ta stojol te sacerdote, soc ac'a te mahtanil te yaloj Moisés, scuenta testigo ta stojolic, xchi.

San Mateo 8:4

Ha yu'un halbot yu'un te Jesús: Ilawil, ma me ayuc mach'a xawalbe ya'iy. Bahan, ac'a aba ta ilel ta stojol te sacerdote, soc ac'a te mahtanil yaloj Moisés, scuenta testigo ya xc'oht ta stojolic, xchi sc'oblal.

Levítico 14:21

Teme pobre, te ma xhu' yu'un yaq'uel ini, ya me yic' tal jcoht jcolel tat tuminchij scuenta mahtanil yu'un stahel falta te ya yich' tuchilanel scuenta stojbeyel smul, soc jun ta slajunebal efa lequil harina wots'bil ta aceite scuenta mahtanil harina, jun log aceite,

Levítico 14:15

Soc te sacerdote ya me stsac te jteb ma sta j'ohlil litro aceite, ya yac' ta stahn sq'uexam-c'ab nix,

Levítico 14:12

Te sacerdote ya me stsac jcoht jcolel tat tuminchij, ha ya yac' scuenta mahtanil yu'un stahel falta, soc te jteb ma sta j'ohlil litro aceite, ya me stuchilan spisil ta stojol Jehová scuenta tuchilambil mahtanil.

1 Pedro 1:19

pero ta scuenta sch'ul sch'ich'el te Cristo, te hich c'ohem te bin ut'il tuminchij te mayuc yabaquil soc mayuc bin jihnem yu'un.

San Juan 6:51

Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

San Juan 6:33

como te pan yu'un Dios, ha te mach'a cohem tal ta ch'ulchan soc te ya ya'be scuxlejal mach'atic ayic ta bahlumilal, xchi.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

Números 28:20

Te mahtanil harina wots'bil ta aceite, ha oxeb ta slajunebal efa soc jujucoht jcolel toro, cheb ta slajunebal efa soc jujucoht tat tuminchij,

Números 6:14

ya ya'be smahtanin te Jehová jcoht tat tuminchij te jun ya'bilal te mayuc bin jihnem yu'un scuenta scohtol chic'bil mahtanil, jcoht jcolel yantsilel tuminchij te jun ya'bilal te mayuc bin jihnem yu'un scuenta mahtanil yu'un stojel mulil, soc jcoht tat tuminchij te mayuc bin jihnem yu'un scuenta mahtanil yu'un lamal q'uinal.

Levítico 23:13

Yac awac' scuenta mahtanil harina cheb ta slajunebal efa lequil harina wots'bil ta aceite, ha mahtanil te ya yich' chiq'uel ta stojol Jehová te buen sumet yic'. Te mahtanil te ya yich' malel, ha jun ta schanebal hin vino.

Levítico 9:1

Ta swaxaquebal c'ahc'al, te Moisés la yic' tal te Aarón, te snich'nab soc te mamaletic yu'un Israel;

Levítico 4:32

Teme ha ya yac' jcoht jcolel tuminchij scuenta mahtanil yu'un mulil, ya me yic' tal te yantsilel te mayuc bin jihnem yu'un.

Levítico 2:13

Ya me awa'be yats'amul spisil te mahtanil harina yac awac'; ma me ayuc bin ora ya spas falta ta mahtanil awu'un te ats'am yu'un te chapbil-c'op yu'un te Dios awu'une. Ta spisil te mahtaniletic awu'un ya me awa'be yats'amul.

Levítico 2:11

Ma me xawa'be Jehová te mahtanil harina te yich'oj levadura, como ma xhu' ya yich' chiq'uel scuenta smahtan te Jehová te bin yich'oj levadura o chab.

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Éxodo 29:40

Ya me awa'be sjoquin te jujucoht tuminchij cheb litro lequil harina capal soc jun litro aceite yu'un p'ebil olivahetic; soc jun litro vino scuenta malbil mahtanil.

Levítico 14:11

Te sacerdote te ya slecubtesbe sc'oblal te jchamele, ha ya stehc'an ta stojol Jehová te mach'a ya yich' lecubtesel soc sbiluc ta stojol te yochibal Nahilpac' Templo yu'un tahojibal.

Números 7:43

la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo te ch'ul awilal, schebal nojelic ta lequil harina wots'bil soc aceite scuenta mahtanil harina;

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.