Levítico 13:50 - Bible in Tzeltal Bachajón

⁵⁰ Te sacerdote ya me stsahtay yil ta lec te stotole, ya me smac huqueb c'ahc'al te bin ay stotole.

Bible in Tzeltal de Oxchuc y Tenejapa

⁵⁰ Te sacerdote ya me stsajtay yil ta lec te bila chicane. Ya me smac juqueb c'aal te biluquetic te ay seña chamel tey ae.

Levítico 13:50 Referans Kwoze

Ezequiel 44:23

Ya me ya'beyic snop te pueblo cu'un te bin ch'ultesbil soc te bin ma ch'ultesbiluc, te bin lec sc'oblal soc te bin bohloben sc'oblale.

Levítico 13:49

teme yax, o tsaj te stotol te ay ta c'u'ul o ta nuhcul, o bin jalbil, o biluc a te pasbil ta nuhcul, ha stotol te ya xlajinwan abi; ya me x'a'bot yil te sacerdote.

Levítico 13:51

Ta shuquebal c'ahc'al ya me yil te stotol; teme puhquemix a tey ta c'u'ul, o bin jalbil, ta nuhcul, o biluc a te pasbil ta nuhcul, ha stotol te ya xlajinwan, bohloben sc'oblal ya xhil.

Levítico 13:4

Teme saclep'lep' te banti snuhculel, pero teme hich yilel te bin ut'il ma ba lohmajem cohel yu'un te snuhculel, soc teme ma ba sacuben te stsotsele, te sacerdote ya me smac huqueb c'ahc'al te mach'a ay schamele.

Levítico 14:38

te sacerdote ya xloc' bahel ta spuertahul, ya smac huqueb c'ahc'al.