Levítico 13:25 - Bible in Tzeltal Bachajón

²⁵ te sacerdote ya me stsahtay yil ta lec; teme sacuben te stsotsel te banti ay te c'a'ele, soc teme hich yilel te bin ut'il lohmajemix cohel yu'un te snuhculel, ha me c'a'el-chamel te hahchix te banti ay te c'ahq'ueme; te sacerdote ya me yal te bohloben sc'oblal, como ha'ix c'a'el-chamel abi.

Bible in Tzeltal de Oxchuc y Tenejapa

²⁵ te sacerdote ya me stsajtay yil ta lec. Teme yac ta sacubel stsotsil te banti ay te chamele, soc teme ja' pujulix ochel te snujc'ulel te banti ay te chamele, teme ja' toyemix jilel te snujc'ulel te banti leque, yu'un ja' te c'a'el-chamel te ya xjajch' ta jnujc'uleltic te banti c'ajq'ueme; te sacerdote ya me yal ta jamal te ma lecuc sc'oplal, melel ja' te c'a'el-chamele.

Levítico 13:25 Referans Kwoze

Levítico 13:4

Teme saclep'lep' te banti snuhculel, pero teme hich yilel te bin ut'il ma ba lohmajem cohel yu'un te snuhculel, soc teme ma ba sacuben te stsotsele, te sacerdote ya me smac huqueb c'ahc'al te mach'a ay schamele.

Éxodo 4:6

Hich la yal xan te Jehová: Otsesa ac'ab ta yutil ac'u' ta atahn, xchi. Hich la yotses sc'ab ta yutil sc'u'; c'alal la sloq'ues tal, yich'ojix c'a'el-chamel a, buen sac hich te bin ut'il me'sic.

Levítico 13:24

Ha nix hich teme ay banti c'ahq'uem te snuhculel, teme tsajuben o teme sac banti c'axix te c'ahq'ueme,

Levítico 13:26

Yan teme ya stsahtay yil ta lec te sacerdote te mayuc sacal stsotsel soc ma ba lohmajem cohel yu'un te snuhculel, teme algo ihc'uben yilel, te sacerdote ya me smac huqueb c'ahc'al.

Números 12:10

C'alal hahch bahel te tocal ta Nahilpac' Templo, te María tsacot hilel ta c'a'elchamel, te snuhculel ha sac hich te bin ut'il me'sic. Te Aarón c'alal la sut sba yil te María, la yil te yich'ojix c'a'elchamel,

2 Reyes 5:27

Ha yu'un te sc'a'el-chamel te Naamán ya me xc'oht ta atojol soc ta stojol ats'umbal ta spisil ora, xchi sc'oblal. Ayix sc'a'el-chamel a te loc' ta stojol, mero sac hich te bin ut'il me'-sic.