Levítico 13:20 - Bible in Tzeltal Bachajón

²⁰ Ya me stsahtay yil ta lec te sacerdote; teme hich yilel te bin ut'il lohmajemix cohel yu'un te snuhculel, soc teme sacubenix te stsotsele, ya me yal te bohloben sc'oblal; ha me c'a'el-chamel te hahch ta banti siht'em te ay spojowil.

Bible in Tzeltal de Oxchuc y Tenejapa

²⁰ Teme ya yil te sacerdote te ja' pujulix ochel te banti bolobene, te ja' toyol ay te snujc'ulel ay to jileme, soc teme sacubenix te stsotsile, ya me yal ta jamal te ma lecuc sc'oplal te mach'a ay ta chamele, melel te chamel yich'oje ja' te c'a'el-chamele.

Levítico 13:20 Referans Kwoze

2 Pedro 2:20

Teme ahnemiquix loq'uel ta stojol te sbohlil te bahlumilal ta scuenta te ya sna'beyic sba te Jesucristo te Cajwaltic soc Jcoltaywanej cu'untic, teme ya xchuc xan sbahic soc ya xtsalotic yu'un, c'ax chopol ya xc'ohtic a te bin ut'il ta nahil to.

San Juan 5:14

Ta patil, te Jesús la sta ta Templo te winique, hich la yalbe: Ilawil, lecubatix ta chamel; ma me xalehix xan amul scuenta yu'un ma ba c'ax hich ya xc'ax xan awocol a, xchi sc'oblal.

San Mateo 12:45

Ha yu'un ya xbaht yic' talel huqueb xan chopol espírituhetic te c'ax hich schopolilic a, ya x'ochic soc tey ya xnahinic a; c'ax hich chopol ya xc'oht a te winic te bin ut'il ay ta nahil to. Ha nix hich ya xc'oht te jcaj ts'umbalil ini, xchi te Jesús.

Levítico 13:3

Te sacerdote ya me yil te c'a'el ay ta snuhculel, teme sacuben te stsotsel ta banti ay te c'a'ele, soc teme hich yilel te bin ut'il lohmajemix cohel yu'un te snuhculel, ha me c'a'el-chamel abi. Teme la stsahtayix yil ta lec te sacerdote ya me yalbe te bohloben sc'oblal.

Levítico 13:2

Teme ay mach'a ay bin siht'em ta snuhculel, o ay chin o saclep'lep', te hich yilel te bin ut'il c'a'el-chamel, ya me yich' iq'uel bahel ta stojol te sacerdote Aarón o te snich'nab ay ta sacerdotehil.

Levítico 13:19

teme ay to siht'em o tsajuben to banti c'axeme, ya me xbaht ya'be yil te sacerdote.

Levítico 13:21

Yan teme ya yil te sacerdote te mayuc sacuben stsotsel tey a, soc teme ma ba lohmajem cohel yu'un te snuhculel, teme algo ihc'uben yilel, ha yu'un te sacerdote ya me smac huqueb c'ahc'al.