Levítico 11:44 - Bible in Tzeltal Bachajón

⁴⁴ como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Bible in Tzeltal de Oxchuc y Tenejapa

⁴⁴ melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Levítico 11:44 Referans Kwoze

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Levítico 20:7

Ch'ultesa abahic, ch'ultesbiluquex me, como ho'on, Jehovahon, te Dioson awu'unique.

1 Tesalonicenses 4:7

Ma ba la yic'otic Dios yu'un te ya jpastic chijil-o'tanil, ha la yic'otic yu'un te ya quich'tic ch'ultesel.

Levítico 20:26

Ch'ultesbiluquex me ta jtojol, como ho'on, Jehovahon, ch'ul Dioson, parte la jcaq'uex yu'un te yantic nacionetic scuenta yu'un ho'on cu'un ya xc'ohex.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Levítico 21:8

Ch'ultesbiluc me ya xc'oht awu'un, como ha ya yac' te we'elil yu'un te Dios awu'une. Ch'ultesbiluc me ta atojol, como ho'on, Jehovahon, ch'ul Dioson te ya jch'ultesex.

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Apocalipsis 22:11

Te mach'a ma tojuc, ac'a spas xan te bin ma tojuque; te mach'a bohloben, bohloben ac'a hiluc; te mach'a toj yo'tan, ac'a spas xan te bin toj ta pasel; soc te mach'a ch'ultesbil, ch'ultesbil ac'a hiluc.

Salmos 99:9

Toybeyahic yutsil sc'oblal te Jehová, te Dios cu'untic, quejana abahic ta stojol te ch'ul wits yu'un, como te Dios cu'untic, ha Ch'ul Dios stuquel.

Salmos 99:5

Toybeyahic yutsil sc'oblal Jehová te Dios cu'untic, quejana abahic ta ye'tal yoc. ¡Ha Ch'ul Dios stuquel!

San Mateo 5:48

Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Éxodo 23:25

Ya me awac' abahic ta stojol Jehová te Dios awu'unic, ha ya ya'be bendición te awe'el soc awa'al. Ya jloq'ues chamel ta awohlil,

Éxodo 19:6

Soc ha'ex pueblo yu'un sacerdotehetic soc ch'ul nación ya xc'ohex cu'un. Ha me te c'op ini te yac awalbe te snich'nab Israel, xchi.

Isaías 43:3

Como ho'on Jehovahon, te Dioson awu'unic, te Ch'ul Dios yu'un Israel, te Jcoltaywanej awu'unique; la jcac' te Egipto scuenta stojol te colat ta libre, te Etiopía soc Sabá scuenta ajelol.

1 Samuel 6:20

Hich la yalic te mach'atic ayic ta Bet-semes: ¿Mach'a ya xhu' ya stehc'an sba ta stojol te Jehová, te ch'ul Diose? ¿Mach'a ya yich'botic loq'uel ta jtojoltic te scaxahul te chapbil-c'op? xchihic.

Levítico 11:43

Ma me xawac' abahic ta ihlayel soc ta bohlobtesel ac'oblalic ta scuenta te chambahlametic te ya stas sbahic ta behel ta lum,

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Amós 3:3

¿Pajal bal ya xbehen te chebic teme ma ba pajal yo'tan sbahic?

Isaías 51:15

Como ho'on Jehovahon te Dioson awu'un, te ya jyuc' te mar soc ya cac' ya x'awon te stselajan, ha Jehová te scuentahinej spisil te jbihile.

Éxodo 16:12

La jca'iybe te stijawic ta c'op te snich'nab Israel. Halbeya: Ta tibiltic ya me awe'ic ti'bal, soc ta sab ya me xnoj ach'uhtic ta pan; hich me yac ana'ic a te ho'on Jehovahon te Dioson awu'unic, xchi.

Éxodo 19:10

hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Éxodo 22:31

Ch'ultesbil winiquetic cu'un ya xc'ohex. Ha yu'un ma me xati'ic chambahlam te laj ta ti'el yu'un ti'awal chambahlametic; ya me ach'ojbe bahel sti' te ts'i'etique.

Levítico 18:2

Hich yac awalbe te snich'nab Israel: Ho'on Jehovahon te Dioson awu'unic.

Levítico 19:3

Jujutuhl ac'a yich' ta muc' sme'stat. Ya me acanantayic te sc'ahc'alel cux-o'tan cu'une. Ho'on, Jehovahon, te Dioson awu'unique.

Números 15:40

Hich yac ana'ic soc yac apasic a spisil te mandariletic cu'un soc ch'ultesbil ya xc'ohex ta stojol te Dios awu'unique.

Éxodo 22:30

Ha nix hich yac apas soc awacax soc atuminchij; huqueb c'ahc'al ya sjoquin sme', ta swaxaquebal c'ahc'al ya me awa'bon.

Levítico 19:4

Ma me xach'uhuntayiquix loc'ombahetic, soc ma me xapas awahcananic ta uhltesbil taq'uin. Ho'on, Jehovahon, Dioson awu'unic.

Levítico 19:10

Ma xale xan te sit ats'usub soc ma xatam te sit ats'usub te luhbajem; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique.

Josué 24:19

Pero te Josué la yalbe te pueblo: Ma xhu' yac awac' abahic ta a'batinel yu'un te Jehová, como ha ch'ul Dios soc ha Dios te xut'et yo'tan, ma ba ya scuchbeyex atoybahilic soc amulic.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.