Levítico 11:40 - Bible in Tzeltal Bachajón

⁴⁰ Te mach'a ya swe'be te schamen baq'uet ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal; ha nix hich te mach'a ya sloq'ues te bin chamene, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Bible in Tzeltal de Oxchuc y Tenejapa

⁴⁰ Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Levítico 11:40 Referans Kwoze

Ezequiel 44:31

Te sacerdotehetic ma me swe'ic mutetic o yantic chambahlametic te hich nax chamenic, o te butsticlambil ta chambahlam.

Levítico 22:8

Ma me swe' te bin chamen o te yich'oj ixtalanel yu'un ha'mal chambahlam, como ha bohloben sc'oblal ya xc'oht yu'un. Ho'on, Jehovahon.

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Ezequiel 4:14

Hich la jcal: ¡Ay, Cajwal Jehová! ma ba bohloben sc'oblal te jcuxlejal; ta jqueremil c'alal ora ini mayuc bin ora jwe'oj chamen sbaq'uetal chambahlam o te butsticlambile, mayuc bin ora jwe'oj ti'bal te bohloben sc'oblal, xchihon.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Corintios 10:21

Ma xhu' yac awuch' te copa yu'un Cajwaltic soc te copa yu'un te pucujetique; ma xhu' ya xwe'at ta smesa te Cajwaltic soc ta smesa te pucujetique.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Isaías 1:16

Poca abahic, lecubtesa abahic, loq'uesa bahel ta jsit te chopol awa'telic; ihquitayahic hilel spasel te bin ma lecuc,

Números 19:19

Te mach'a lec sc'oblal ya stsihtsin a ta yoxebal soc ta shuquebal c'ahc'al te mach'a bohloben sc'oblal. Te c'alal ya xlecub sc'oblal ta shuquebal c'ahc'al, ya me sac' sc'u' soc ya x'atin, ya xlecub sc'oblal ta yihc'ubel q'uinal.

Levítico 16:28

Te mach'a ya schic' ya sc'an ya sac' sc'u' spac' soc ya x'atin, patil ya xhu' ya x'och tal ta campamento.

Levítico 16:26

Te mach'a c'oht scoltay bahel ta stojol Azazel te tentsun, ya me sac' sc'u' spac' soc ya me x'atin; patil ya xhu' ya x'och tal ta campamento.

Levítico 15:27

Mach'ayuc a te ya spic te biluquetic ini, bohloben sc'oblal ya xhil yu'un, ya me sac' sc'u' spac' soc ya me x'atin, bohloben sc'oblal ya xhil c'alal yihc'ubel q'uinal.

Levítico 11:28

Te mach'a ya yich' bahel te schamen baq'uetal, ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal. Ma me lecuc sc'oblal awu'unic.

Levítico 11:25

Mach'ayuc a te ya yich' bahel te schamen baq'uetalic ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Éxodo 22:31

Ch'ultesbil winiquetic cu'un ya xc'ohex. Ha yu'un ma me xati'ic chambahlam te laj ta ti'el yu'un ti'awal chambahlametic; ya me ach'ojbe bahel sti' te ts'i'etique.

Levítico 11:39

Teme ay ya xcham chambahlametic te lec ta we'el, teme ay mach'a ya spicbe te sbaq'uetal, ma me lecuc sc'oblal ya xhil c'alal ta yihc'ubel q'uinal.

Levítico 14:46

Mach'ayuc a te ya x'och bahel ta yutil na te yaloj mandar ta maquel, ma lecuc sc'oblal ya xhil c'alal yihc'ubel q'uinal.

Levítico 15:15

te ha ya yac' jcoht scuenta mahtanil yu'un mulil soc jcoht scuenta scohtol chic'bil mahtanil. Te sacerdote hich ya spasbe te bin ya stoj mulil yu'un ta stojol Jehová te mach'a ay bin mal yu'une.

Levítico 22:6

te mach'a hich ya spic, bohloben sc'oblal ya xhil c'alal ta yihc'ubel q'uinal, ma xhu' ya swe' te bin ch'ultesbil ha to teme atine.