Levítico 11:34 - Bible in Tzeltal Bachajón

³⁴ Spisil we'elil te ya xtahot yu'un ya'lel te oxom, ma me lecuc sc'oblal ya xhil; soc spisil bin ya yich' uch'el te ay ta oxom ini, ma me lecuc sc'oblal ya xhil.

Bible in Tzeltal de Oxchuc y Tenejapa

³⁴ Spisil we'elil te ya xtaot yu'un ya'lel te oxome, ma me lecuc sc'oplal ya xc'ot; soc spisil bila uch'balil te ay ta oxome, ma me lecuc sc'oplal ya xjil.

Levítico 11:34 Referans Kwoze

Tito 1:15

Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

Proverbios 28:8

Te mach'a ya stsob sc'ulejal ta scuenta sc'ambeyel bayel sjol te staq'uine, ha ya stsob yu'un te mach'a ya sna'be yo'bolil sba te pobrehetique.

Proverbios 21:27

Ihlaybil te milbil mahtanil ya yac' te mach'atic chopolic, c'ax to xan hich a teme chopol bin snopoj ta yo'tan a te ya yaq'ue.

Proverbios 21:4

Te toyba sitil soc te toyba-o'tanil, te snopojibal yu'un te mach'atic chopolic, ha mulil.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Levítico 11:33

Teme ay ch'ay ochel ta pac'bil oxom, ma me lecuc sc'oblal ya xhil, soc ha nix hich spisil te bintic ay ta yutil. Ya me yich' top'el te oxome.

Levítico 11:35

Spisil te biluquetic te tey ya xch'ay cohel ta sba a te bin chamene, ma me lecuc sc'oblal ya xhil; teme horno o banti ya yich' nup'el c'ahc', ya me yich' jinel, ma me lecuc sc'oblal, ma me lecuc sc'oblal ya xc'oht awu'unic.