Levítico 11:24 - Bible in Tzeltal Bachajón

²⁴ Ha ini te ya xbohlob ac'oblalic yu'un: Mach'ayuc a te ya spic te schamen baq'uet yu'un te chambahlametic ini ma me lecuc sc'oblal ya xhil yu'un c'alal ta yihc'ubel q'uinal.

Bible in Tzeltal de Oxchuc y Tenejapa

²⁴ “Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Levítico 11:24 Referans Kwoze

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Hebreos 9:26

Te hichuque, la sc'an te bayel buelta ya xc'ax swocol te Cristo yalel c'alal ta shahchibal to tal bahlumilal. Pero yo'tic te slajibalix ha'biletic, jmehl nax xtaluc yac' sba ta lajel ta sch'ayel mulil.

Colosenses 2:20

Teme pajal chamex soc Cristo te hich libre c'ohemex yu'un te bintic stalel ay ta na'el ta bahlumilal, ¿bin yu'un te hich cuxulex te bin ut'il ayex ta scuenta te bahlumilal, te yac awac' scuentahinex te mandariletic

Efesios 5:11

Ma me xajoquinic ta spasel te a'teliletic yu'un te yihc'al q'uinal te mayuc stuc, ha lec xan te yac awaq'uic ta ilel te ay smulic,

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

1 Corintios 15:33

Ma me xhowiyex; yu'un ay hich ya yich' halel: Te mach'atic chopolic te ya sjoquinotic, ha ya sjimbotic te lequil costumbrehetic cu'untic, xchi.

Isaías 22:14

Te Jehová te scuentahinej spisil, hich la yalbon ca'iy: Ma ba ya xpasbotex perdón yu'un te mulil ini, ha to c'alal ya xchamex, xchi te Jehová te scuentahinej spisil.

Levítico 11:31

Ta spisil te chambahlametic te staslajan ya xbehenic ta lum, ha'ic ini te bohloben sc'oblalic awu'unic. Mach'ayuc a te ya spicbe te schamen baq'uetal, ma me lecuc sc'oblal ya xhil c'alal ta yihc'ubel q'uinal.

Levítico 11:8

Ma me xawe'beyic sbaq'uetal, soc ma xapicbeyic te schamen baq'uetal; ma me lecuc sc'oblal awu'unic.

Levítico 11:23

Pero spisil yantic bic'tal chambahlametic te ya xwihl soc te ay chaneb yoc, ihlaybiluc me awu'unic stuquel.

Levítico 11:25

Mach'ayuc a te ya yich' bahel te schamen baq'uetalic ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Levítico 22:4

Mach'ayuc winiquil te sts'umbal Aarón te yich'oj c'a'el-chamel o ay bin ya xmal loq'uel ta sbaq'uetal, ma me swe' te bin ch'ultesbil ha to c'alal lecubenix a. Te mach'a ya spic te bin chamen, o te winic te mahlem loq'uel snich'an,

Levítico 5:2

Ha nix hich teme ay mach'a ya spic te bin bohloben sc'oblal, hich te bin ut'il sbaq'uetal chamen ha'mal chambahlam, alaq'uil chambahlam, o chamen chambahlam te staslajan ya xbehen ta lum te bohloben sc'oblal, aunque ma ba la sna' te la spic, bohloben sc'oblal ya xhil soc stahojix smul.

Levítico 7:21

Soc teme ay mach'a ya spic te bin bohloben sc'oblal yu'un ants-winic o chambahlam, biluc a te ihlaybil, teme ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale, xchi.

Levítico 14:46

Mach'ayuc a te ya x'och bahel ta yutil na te yaloj mandar ta maquel, ma lecuc sc'oblal ya xhil c'alal yihc'ubel q'uinal.

Levítico 15:5

Mach'ayuc a te ya spicbe swayib ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 15:6

Mach'ayuc a te ya xhuhcaj ta banti huhcaj te mach'a ay bin ya xmal yu'une, ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 15:7

Ha nix hich te mach'a ya spicbe sbaq'uetal te mach'a ay bin ya xmal yu'une, ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 15:8

Te mach'a ay bin ya xmal yu'une, teme ay ya stuhbatay mach'a lec sc'oblale, te mach'a tuhbatayot ya me sac' sc'u' spac' soc ya me x'atin; bohloben sc'oblal ya xhil yu'un c'alal yihc'ubel q'uinal.

Levítico 15:10

Mach'ayuc a ya spic te biluc te banti huhcaj o way te mach'a ay bin ya xmal yu'une, bohloben sc'oblal ya xhil c'alal yihc'ubel q'uinal. Te mach'a ya yich' bahel te biluque, ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 15:11

Teme ay mach'a ya xpicot yu'un te mach'a ay bin ya xmal yu'une, teme ma ba la spoc sc'ab, ya me sac' sc'u' spac' soc ya me x'atin, bohloben sc'oblal ya xhil c'alal yihc'ubel q'uinal.

Levítico 15:15

te ha ya yac' jcoht scuenta mahtanil yu'un mulil soc jcoht scuenta scohtol chic'bil mahtanil. Te sacerdote hich ya spasbe te bin ya stoj mulil yu'un ta stojol Jehová te mach'a ay bin mal yu'une.

Levítico 15:21

Mach'ayuc a te ya spicbe swayib ya me sac' te sc'u' spac' soc ya me x'atin, bohloben sc'oblal ya xhil c'alal yihc'ubel q'uinal.

Levítico 15:22

Soc mach'ayuc a te ya spic te biluc huhcaj a te antse, ya me sac' sc'u' spac' soc ya me x'atin, bohloben sc'oblal ya xhil c'alal yihc'ubel q'uinal.

Levítico 15:23

Teme ha ya spic te banti mehtsaj o te banti huhcaj, te mach'a la spic bohloben sc'oblal ya xhil c'alal yihc'ubel q'uinal.

Levítico 15:27

Mach'ayuc a te ya spic te biluquetic ini, bohloben sc'oblal ya xhil yu'un, ya me sac' sc'u' spac' soc ya me x'atin, bohloben sc'oblal ya xhil c'alal yihc'ubel q'uinal.

Levítico 16:26

Te mach'a c'oht scoltay bahel ta stojol Azazel te tentsun, ya me sac' sc'u' spac' soc ya me x'atin; patil ya xhu' ya x'och tal ta campamento.

Levítico 16:28

Te mach'a ya schic' ya sc'an ya sac' sc'u' spac' soc ya x'atin, patil ya xhu' ya x'och tal ta campamento.

Levítico 22:5

o teme la spic chambahlam te staset ya xbehen, te bohloben sc'oblal ya xc'oht yu'une, o te ya xpicot yu'un jtuhl winic te bohloben sc'oblal, chican biluc a te sbohlile;

Levítico 22:6

te mach'a hich ya spic, bohloben sc'oblal ya xhil c'alal ta yihc'ubel q'uinal, ma xhu' ya swe' te bin ch'ultesbil ha to teme atine.

Números 19:7

Patil te sacerdote ya sac' sc'u' soc ya x'atin, hich ya xhu' ya x'och bahel ta campamento; bohloben sc'oblal ya xhil te sacerdote c'alal ta yihc'ubel q'uinal.