Levítico 11:13 - Bible in Tzeltal Bachajón

¹³ Hich ay te mutetic te ihlaybiluc awu'unic; ma me xawe'ic, ihlaybiluc me awu'unic: ha te jxic, quebrantahueso-jxic, xicul-ha',

Bible in Tzeltal de Oxchuc y Tenejapa

¹³ “Te mutetic, ma me xju' ya ati'ic in to, ya me sc'an te ilaybil awu'unique: ja'ic te águila, quebrantahueso-mut, águila yu'un mar,

Levítico 11:13 Referans Kwoze

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

San Mateo 24:28

Ta banti ay te chamen baq'uet, tey ya stsob sbahic a te hosetique.

Habacuc 1:8

Te cawuhetic yu'unic c'ax hich ya x'ahnimajic a te bin ut'il c'an bo'olay choj, c'ax hich ya xti'awanic a te bin ut'il ha'mal ts'i'etic ta ahc'abal; ya x'ahnimajic bahel te jmoheletic ta cawu, namal ya xtalic, ya xwihlic talel hich te bin ut'il jxic te ora ya xwihl ta tsaquel.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Lamentaciones 4:19

Te jnutsawal cu'untic c'ax hich ya x'ahnimajic a te bin ut'il jxic ya xwihl ta ch'ulchan; la snutsotic ta witsiltic, la smacliyotic ta jochol taquin q'uinal.

Jeremías 48:40

Como hich yaloj te Jehová: Hich te bin ut'il ya xwihl te jxic, hich ya sjam xic' ta scontrahinel te Moab.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Job 38:41

¿Mach'a ya schahpambe swe'el te jojetic te c'alal ya x'awonic te yalatac ta stojol Dios soc bayuc ya xbahtic ta scaj mayuc swe'elic?

Job 28:7

Ha be te ma xna'bot sba yu'un ti'awal-mut, soc ma ba ilot yu'un jxic;

Levítico 11:11

Ihlaybiluc me awu'unic, ma me xawe'beyic te sbaq'uetalic, soc ya me awihlayic te schamen baq'uetalique.

Levítico 11:12

Spisil bintic ay ta ha' te mayuc stut xic' soc te mayuc suhlilic, ihlaybiluc me awu'unic.

Levítico 11:14

muc'ul ihc'al-hos, spisil ta chahp milano-mutetic,

Zacarías 5:9

La jquil mohel, la jquil cheb antsetic, lichbil tal ta ic' ta xiq'uic te hich yilelic te bin ut'il xic' sigüeña-mut, la sliquic mohel te efa ta ohlil yu'un ch'ulchan bahlumilal.