Levítico 10:2 - Bible in Tzeltal Bachajón

² Loc' tal c'ahc' ta stojol Jehová te la schic'ticlan, hich chamic ta stojol Jehová.

Bible in Tzeltal de Oxchuc y Tenejapa

² Ja' yu'un loc' tel c'ajc' ta stojol Cajwaltic, jc'axel lajic ta chiq'uel, jich lajinotic yu'un te Cajwaltique.

Levítico 10:2 Referans Kwoze

Números 26:61

Pero te Nadab soc Abiú lajic te c'alal la yaq'uic yan c'ahc' ta stojol Jehová.

Números 16:35

Soc loc' tal c'ahc' ta stojol Jehová, la smil te lajuneb yoxlajunwinic (250) ta tuhl winiquetic te la yaq'uic te pome.

Levítico 9:24

Loc' tal c'ahc' ta stojol Jehová, la slajin te scohtol chic'bil mahtanil soc te sjuhp'el ayic ta scajtajib ta chiq'uel mahtanil. C'alal hich la yilic spisil te pueblo, awonic soc la squejan sbahic ta lum.

2 Samuel 6:7

Pero tihl yilimba Jehová ta stojol te Uza. Ehchentesot yu'un Dios scaj te ma ba la yich' ta muc'; tey cham a ta sts'ehl te scaxahul te chapbil-c'op yu'un Dios.

1 Corintios 10:11

Hich c'oht ta pasel scuenta ich'o-q'uehl, soc hich ts'ihbabil hilel yu'un ya stsitsotic ho'otic te la stahotic te slajibal c'ahc'ale.

Hechos 5:10

Ora puch' ta lum ta stojol yoc te Pedro, toj chamel. C'alal ochic talel te jcolel queremetic, chamenix a c'oht stahic; hich la sloq'uesic, baht smuquic ta banti ay te smamalal.

Hechos 5:5

C'alal hich la ya'iy te Ananías, puch' bahel ta lum, toj chamel. Spisil te mach'atic la ya'iyic bayel xiwic yu'un.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

1 Crónicas 24:2

Te bin ut'il ha nahil lajic te Nadab soc Abiú, patil cham te static, mayuc hil snich'nabic; ha yu'un te Eleazar soc te Itamar, hilic ta sacerdotehil.

1 Crónicas 15:13

Te bin ut'il ma hichuc la apasic ta nahil to, te Jehová te Dios cu'untic ilin ta jtojoltic ta scaj te ma ba la jlehtic hich te bin ut'il yaloj ta mandar, xchi.

1 Crónicas 13:10

Pero tihl yilimba Jehová ta stojol te Uza, la yehchentes ta scaj te la shach sc'ab ta slat'el te scaxahul te chapbil-c'op, tey laj ta stojol Dios a.

2 Reyes 1:12

La sjac' te Elías: Teme winicon yu'un Dios, ac'a cohuc tal c'ahc' ta ch'ulchan, ac'a slajinat soc te lajuneb yoxwinic (50) ta tuhl winiquetic awu'un, xchi. Hich co tal c'ahc' ta ch'ulchan, ha lajinot yu'un soc te lajuneb yoxwinic (50) ta tuhl winiquetic yu'une.

2 Reyes 1:10

Te Elías la sjac'be te capitán: Teme winicon yu'un Dios, ac'a cohuc tal c'ahc' ta ch'ulchan, ac'a slajinat soc te lajuneb yoxwinic (50) ta tuhl soldadohetic awu'un, xchi. Hich co tal c'ahc' ta ch'ulchan, ha lajinot yu'un soc te lajuneb yoxwinic (50) winiquetic yu'une.

1 Samuel 6:19

Te Jehová la smil te winiquetic yu'un Bet-semes ta scaj te la yilic ta yutil te scaxahul te chapbil-c'op yu'un Jehová. La smil lajuneb schanwinic (70) ta tuhl. Oc' te pueblo yu'un te bayel milotic yu'un te Jehová.

Números 16:49

Te jaytuhl lajic yu'un te jmilawal-chamel, ha jpic soc ho'lajunwinic shuclajunbahc' (14,700) ta tuhl; parte te mach'atic lajic yu'un te la stoy sbahic soc Coré.

Levítico 16:1

Te Jehová la sc'opon te Moisés te c'alal chamenix a te cheb snich'nab Aarón, te chamic c'alal nohpojic bahel ta stojol Jehová.

Levítico 10:5

Hich nohpojic tal, la sloq'uesic bahel soc smuc'ul-c'u'ic ta fuera yu'un te campamento, hich te bin ut'il halbotic yu'un te Moisés.

Éxodo 24:1

Te Jehová hich la yalbe te Moisés: Mohan tal ta stojol Jehová soc te Aarón, Nadab, Abiú, soc lajuneb schanwinic (70) mamaletic yu'un Israel; soc namal to ayex a yac ach'uhuntayic.

1 Reyes 18:38

Hich co tal c'ahc' ta stojol Jehová, la schic' te mahtanil, te si', te tonetic, ts'ubil lum soc la slajin te ha' ay ta sch'acomal.

Job 1:16

Yac to ta c'op a, tal yan te hich c'oht yal: Co tal c'ahc' yu'un Dios ta ch'ulchan te la schic' te tuminchijetic soc te jcananetic yu'unic; ho'on xanix colon hilel te tal calbat awa'iy, xchi.

Salmos 50:3

Ya me xtal te Dios cu'untic, ma ba ya xch'ab; ay c'ahc' ta stojol te ya xlajinwan soc joytaybil ta tulan ic' ta sjoyobal.

Números 14:37

ha te winiquetic te ma ba lec hul yalbeyic sc'oblal te q'uinale, lajic ta jmilawal-chamel ta stojol Jehová.

1 Reyes 13:28

hich baht. La sta te schamen-baq'uetal soc te burro soc te choj ayic ta sts'ehl. Te choj ma ba swe'beyej te schamen-baq'uetal soc mayuc bin spasbeyej te burro.