Levítico 10:19 - Bible in Tzeltal Bachajón

¹⁹ Te Aarón hich la sjac'be sc'op te Moisés: A'iya awa'iy, nax to la yaq'uic ta stojol Jehová te milbil mahtanil yu'un mulil soc te scohtol chic'bil mahtanil yu'unique, pero te ho'one ay bin c'ohemix ta pasel ta jcuenta; te lajuc jwe' nax te mahtanil yu'un mulil, ¿lec bal yo'tan yu'un hiche te Jehová? xchi.

Bible in Tzeltal de Oxchuc y Tenejapa

¹⁹ Jac'bot yu'un Aarón: —Aiya awaiy, nax to la yaq'uic ta stojol Cajwaltic te milbil majt'anil yu'un smulic, soc te majt'anil te scojt'ol ya yich' chiq'uele. Pero te jo'one ay bila c'oemix ta pasel ta jwenta, ja' te lajic te jnich'nabe. Te jo'ucon la jti' te milbil majt'anil yu'un mulil te naxe, ¿lec bal yo'tan yu'un te Cajwaltique? —xi'.

Levítico 10:19 Referans Kwoze

Levítico 9:12

Ha nix hich la smil te scohtol chic'bil mahtanil; te snich'nab Aarón la ya'beyic te sch'ich'el, ha la stsihtsin ta sjoyobal ta sba te scajtajib ta chiq'uel mahtanil.

Levítico 9:8

Ha yu'un te Aarón nohpoj tal ta scajtajib ta chiq'uel mahtanil, la smil te jcolel toro scuenta milbil mahtanil yu'un smul.

Malaquías 2:13

Pero ay to yantic te bintic yac apasic: yac awahts'es ta ya'lel asitic te scajtajib ta chiq'uel mahtanil yu'un Jehová, ya x'oq'uex soc ya x'ahcanajex, yu'un ma ba ya quilix te mahtanil, ma ba tse'el co'tan ya jtsacbeyex ta ac'abic.

Malaquías 1:13

Soc hich awalojic: C'axix co'tan yu'un ini, xchihex, soc yac ap'ajonic, xchi te Jehová te scuentahinej spisil. La awich'ic talel te bin elc'ambil, te coxo', o te ay ta chamel, ha yac awa'bonic jmahtanin. ¿Ya bal jtsacbeyex ta ac'abic? xchi te Jehová te scuentahinej spisil.

Malaquías 1:10

Te ayuc mach'a ta awohlilic te ya smacbe te ochibaletic yu'un te templo scuenta yu'un ma tojoluc yac atsunic c'ahc' ta scajtajib ta chiq'uel mahtanil cu'un, xchi te Jehová te scuentahinej spisil.

Oseas 9:4

Ma ba ya smalic malbil mahtaniletic ta stojol Jehová, soc ma ba lec yo'tan Jehová yu'un te chic'bil mahtaniletic yu'unique. Ha pan yu'un mel-o'tan ya xc'oht yu'unic, spisil te mach'atic ya swe'ic ya xbohlob sc'oblalic yu'un. Ha nix yu'unic ya xc'oht te pan, ma ba ya x'och ta sna Jehová.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Jeremías 6:20

¿Bin stuc cu'un te pom yu'un Sabá o te chi'il jalal te ya xtal ta namal q'uinal? Ma ba ya jtsac te scohtol chic'bil mahtaniletic awu'unic, soc ma lecuc co'tan yu'un te chic'bil mahtaniletic awu'unic, xchi te Jehová.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

Hebreos 9:8

Hich ac'ot ta na'el yu'un te Ch'ul Espíritu te ma to chicanuc sbehlal te Mero Ch'ul Awilal, te c'alal teq'uel to te sba-tsahlal te Nahilpac' Templohe.

Hebreos 7:27

Ma hichuc ay te bin ut'il te yantic muc'ul sacerdotehetic te jujun c'ahc'al nahil ya ya'be milbil mahtaniletic scuenta stojel smulic, patil ya ya'be yu'un te pueblo; como te Jesús junax buelta la yac' milbil mahtanil scuenta sbahtel q'uinal te c'alal la yac' sba ta lajel.

Filipenses 4:4

Spisiluc me ora tse'eluc awo'tanic ta stojol te Cajwaltique. Ya jcha'halbeyex xan: ¡Tse'eluc me awo'tanic!

Isaías 1:11

Hich ya yal te Jehová: ¿Bistuc cu'un te bayel milbil mahtaniletic awu'unic? C'axemix co'tan yu'un te scohtol chic'bil tat tuminchijetic soc te sjuhp'el chambahlametic; ma jc'an te sch'ich'el torohetic, tuminchijetic o tat tentsunetic.

Deuteronomio 26:14

Mayuc jwe'oj te bin ch'ultesbil te c'alal yacon ta mel-o'tan yu'un a te mach'a cham, mayuc jwe'oj te c'alal ma lecuquix jc'oblal, soc mayuc ca'beyej smahtanin te mach'atic chamenique. La jch'uhumbe sc'op te Jehová te Dios cu'un, jpasojix spisil te bintic apasojon ta mandar.

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Levítico 10:20

C'alal hich la ya'iy te Moisés, lecub yo'tan yu'un.