Levítico 10:16 - Bible in Tzeltal Bachajón

¹⁶ Te Moisés la sjoc'oy banti ay te tat tentsun yu'un te mahtanil yu'un mulil. C'alal la ya'iy te la yich'ix chiq'uel, ilin ta stojol te Eleazar soc Itamar, te snich'nab Aarón te hilemique, hich la yalbe:

Bible in Tzeltal de Oxchuc y Tenejapa

¹⁶ Te Moisés la sjojc'obey: —¿Banti ay te tentsun ya yich' milel swenta mulile? —xi'. La yaiy te la yich'ix chiq'uele. Jich ilin ta stojolic te Eleazar soc te Itamar, te cheb xan snich'nab Aarón jileme, jich la yalbey:

Levítico 10:16 Referans Kwoze

Levítico 9:3

Soc hich yac awalbe te snich'nab Israel: Ic'ahic tal jcoht tat tentsun scuenta mahtanil yu'un mulil, jcoht jcolel toro soc jcoht jcolel tuminchij te jujun ya'bilal, te mayuc bin jihnem yu'unic, scuenta scohtol chic'bil mahtanil,

Levítico 9:15

Soc te Aarón la yac' te mahtanil yu'un te pueblo; la stsac te tat tentsun, te ha mahtanil yu'un smul te pueblo, la smil, la yac' scuenta stojel mulil hich te bin ut'il te shahchibal mahtanil.

Efesios 4:26

Teme ya x'ilinex, ma me xata amulic yu'un; ma me yaleluc stibiltayel yaquex ta ilimba,

San Marcos 10:14

C'alal ilot yu'un te Jesús, ma lecuc la ya'iy, hich la yalbe: Ac'a taluc ta jtojol te alaletic, ma me xacomic, como te mach'atic hich stalelic, ha yu'unic te cuentahinel yu'un te Diose.

San Marcos 3:5

Ilinem a te Jesús la yilticlan ta sjoyobal, la smel yo'tan ta scaj te tulan yo'tanic, hich la yalbe te winique: Xach'a ac'ab, la yut. Hich la xach' sc'ab, lecub te sc'abe.

San Mateo 5:22

Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

Números 12:3

Te winic Moisés mero peq'uel yo'tan ta winiquil, c'ax hich a te bin ut'il spisil winiquetic ayic ta bahlumilal.

Levítico 6:30

Pero ma xhu' ta we'el te mahtanil te yich'oj ich'beyel ochel sch'ich'el ta yutil te Nahilpac' Templo yu'un tahojibal scuenta stojel mulil ta ch'ul awilal; ya me yich' chiq'uel.

Levítico 6:26

Te sacerdote te ya yac' te mahtanil yu'un mulil, ha nix ya swe'; ya me swe' ta lugar te ch'ultesbil, ta yamaq'uil te Nahilpac' Templo yu'un tahojibal.

Levítico 6:17

Ma ba ya yich' ta'ajtesel soc levadura. Ha ca'beyej te Aarón soc te snich'nab te jayeb hilem yu'un te chic'bil mahtanil cu'une; ha mero ch'ultesbil, hich te bin ut'il te milbil mahtanil yu'un mulil soc te milbil mahtanil yu'un stahel falta.

Esdras 7:5

Abisúa, Finees, Eleazar soc Aarón te primero sacerdote,