Levítico 10:12 - Bible in Tzeltal Bachajón

¹² Te Moisés la yalbe te Aarón soc te snich'nab te hilemic, ha te Eleazar soc Itamar: Ich'ahic te mahtanil harina te hilem yu'un te mahtaniletic la yich' chiq'uel ta stojol Jehová, mayuc slevadurahil a ya me awe'ic ta nopol scajtajib ta chiq'uel mahtanil, como mero ch'ultesbil.

Bible in Tzeltal de Oxchuc y Tenejapa

¹² Patil te Moisés la yalbey te Aarón, soc uuc te Eleazar soc te Itamar, ja' te cheb xan snich'nab jilem Aarón: —Tsacaic te majt'anil harina te jilem te ja' sobrail te chic'bil majt'aniletic la yich' aq'uel ta stojol te Cajwaltique, we'aic te bila ma'yuc slevadurail ta nopol scajtijib ta chiq'uel majt'anil, melel mero ch'ultesbil.

Levítico 10:12 Referans Kwoze

Levítico 21:22

Ya xhu' ya swe' te we'elil yu'un Dios, te bin mero ch'ultesbil soc te bintic ch'ultesbile.

Ezequiel 44:29

Ya me swe'ic te mahtanil harina, te milbil mahtanil scuenta stojel mulil, soc te mahtanil yu'un stahel falta. Spisil te bintic ch'uhltesbilic ta Israel, ha yu'unic.

Levítico 7:9

Ha nix hich spisil te mahtanil harina te ta'ajtesbil ta horno, soc spisil te bin pasbil ta sartén o ta samet, ha ya yich' te sacerdote te ha nix ya yaq'ue.

Éxodo 29:2

soc ich'a panetic te ma ba yich'oj levadura, pimil pan te ma ba yich'oj levadura te wots'bil soc aceite, soc jayal pan te ma ba yich'oj levadura te jaxbil ta aceite; ya me apasticlan ta lequil harina yu'un trigo.

Éxodo 6:23

Te Aarón la yic' yihnamin te Elisabet te yantsil-nich'an Aminadab, te ha swix Naasón, te la yalatay te Nadab, Abiú, Eleazar soc Itamar.

Levítico 10:13

Ya me awe'ic ta lugar te ch'ultesbil, como ha'ex awu'unic soc anich'nab te mahtaniletic ya yich'ic chiq'uel ta stojol Jehová; yu'un hich halboton.

Números 3:2

Hich ay sbihilic te snich'nab Aarón: ha te Nadab, te ba-alal, Abiú, Eleazar soc Itamar.

Éxodo 29:33

Ya swe'ic te bintic tuhun yu'un stojel mulil c'alal la yich' ya'telic soc la yich'ic ch'ultesel. Pero ma me ayuc yan mach'a ya swe', como ch'ultesbil.

Levítico 24:9

Ha yu'un Aarón soc snich'nab te pane, ya swe'ic ta lugar te ch'ultesbil, como ha te bin mero ch'ultesbil yu'un te chic'bil mahtaniletic te ha yu'un Aarón soc snich'nab te ya yich' chiq'uel ta stojol Jehová, xchi.

2 Crónicas 31:14

Te levita Coré snich'an Imna, te jcanan-ti'nahil ta stojol banti ya xloc' tal c'ahc'al, scuentahinej te mahtaniletic yac'ojic ta sc'anojel yo'tanic ta stojol Dios, soc scuentahinej spuquel te mahtaniletic ac'bilic ta stojol Jehová soc te bintic ch'ultesbilique.

Esdras 7:5

Abisúa, Finees, Eleazar soc Aarón te primero sacerdote,