Levítico 1:10 - Bible in Tzeltal Bachajón

¹⁰ Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Bible in Tzeltal de Oxchuc y Tenejapa

¹⁰ “Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.

Levítico 1:10 Referans Kwoze

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

Malaquías 1:14

Chopol sc'oblal te mach'a ya xlo'loywan, te ay stat tuminchijetic ta jtsohb yu'un te yaloj te ya yaq'ue, pero ha ya ya'be smahtanin Jehová te bin ma lecuque. Como ho'on Muc'ul Ajwalilon, xchi te Jehová te scuentahinej spisil, soc xi'bil te jbihil ta yohlil te nacionetique.

Levítico 22:19

scuenta yu'un ya x'ich'bot ta cuenta a ya sc'an ya yac' stat chambahlam te mayuc bin jihnem yu'un, teme toro, tuminchij, o tentsun.

Levítico 4:23

C'alal ya sna' ta patil te stahoj smul, ya me yac' scuenta mahtanil jcoht tat tentsun te mayuc bin jihnem yu'une.

Éxodo 12:5

Te chambahlam ma me ayuc bin jihnem yu'un soc ha me stat te ay jun ya'bilal. Ya xhu' yac atsaquic tuminchij o tentsun.

Génesis 8:20

Te Noé la spasbe scajtajib ta chiq'uel mahtanil te Jehová, la stsa te chambahlametic soc mutetic te lec sc'oblalic, la yac' scohtol chic'bil mahtanil ta scajtajib.

Génesis 4:4

Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

1 Pedro 1:19

pero ta scuenta sch'ul sch'ich'el te Cristo, te hich c'ohem te bin ut'il tuminchij te mayuc yabaquil soc mayuc bin jihnem yu'un.

Números 15:5

Ya me awa'be sjoquin jun ta schanebal hin vino te jujucoht tuminchij scuenta scohtol chic'bil mahtanil o milbil mahtanil.

Ezequiel 43:22

Ta schebal c'ahc'al yac awac' tentsun te mayuc banti jihnem scuenta mahtanil yu'un stojel mulil; soc ya me slecubtesic te scajtajib ta chiq'uel mahtanil hich te bin ut'il la slecubtesic ta scuenta te toro.

Levítico 3:1

Teme ha ya yac' milbil mahtanil scuenta lamal q'uinal, teme ya yac' wacax, teme stat o yantsilel, ya me yac' ta stojol Jehová te mayuc bin jihnem yu'un.

Levítico 4:3

Teme ha ya sta smul te sacerdote te yich'oj malel ta aceite scuenta ch'ultesel, te hich ya ya'be sta smul a te pueblo, ya me ya'be Jehová jcoht jcolel toro te mayuc bin jihnem yu'un scuenta stojel mulil yu'un te smul stahoje.

Levítico 5:15

Teme ay mach'a ya sta falta, te ma snopojuc a ya sta smul ta scuenta te bin ch'ultesbil yu'un Jehová, ya me yic' tal ta stojol Jehová scuenta mahtanil yu'un stahel falta jcoht tat tuminchij o tentsun te mayuc bin jihnem yu'une; te stojol te chambahlam ay ta p'isel ta siclo yu'un plata, ha te siclo yu'un te ch'ul awilal; ha mahtanil yu'un stahel falta.

Levítico 9:2

hich la yalbe te Aarón: Ic'a tal jcoht jcolel toro scuenta mahtanil yu'un mulil, soc jcoht tat tuminchij te mayuc bin jihnem yu'un, scuenta scohtol chic'bil mahtanil; ya me awac'ticlan ta stojol Jehová.

Levítico 14:10

Ta swaxaquebal c'ahc'al ya me stsac cha'coht jcolel tat tuminchijetic te mayuc bin jihnem yu'unic, jcoht jcolel yantsilel tuminchij te jun ya'bilal te mayuc bin jihnem yu'un, oxeb ta slajunebal efa lequil harina wots'bil ta aceite scuenta mahtanil, soc jun log aceite.

Levítico 16:3

Hich ya x'och bahel te Aarón ta ch'ul awilal: Ya x'och soc jcoht jcolel toro scuenta mahtanil yu'un mulil soc jcoht tat tuminchij scuenta scohtol chic'bil mahtanil.

Levítico 16:5

Ta banti te pueblo yu'un te snich'nab Israel te Aarón ya yic'be cha'coht tat tentsun scuenta mahtanil yu'un mulil soc jcoht tat tuminchij scuenta scohtol chic'bil mahtanil.

Levítico 23:12

Te bin c'ahc'alil yac awac' te jtohm, ya me awac' jcoht jcolel tuminchij te ay jun ya'bilal, te mayuc bin jihnem yu'un, scuenta scohtol chic'bil mahtanil ta stojol Jehová.

Números 6:14

ya ya'be smahtanin te Jehová jcoht tat tuminchij te jun ya'bilal te mayuc bin jihnem yu'un scuenta scohtol chic'bil mahtanil, jcoht jcolel yantsilel tuminchij te jun ya'bilal te mayuc bin jihnem yu'un scuenta mahtanil yu'un stojel mulil, soc jcoht tat tuminchij te mayuc bin jihnem yu'un scuenta mahtanil yu'un lamal q'uinal.

Números 19:2

Hich ay te bin halbil ta mandaril te la yal te Jehová: Halbeya te snich'nab Israel te ac'a yiq'uic tal jcoht tsajal wacax te mayuc bin jihnem yu'un soc te mayuc cajambil yugo ta snuc'.