Jueces 9:53 - Bible in Tzeltal Bachajón

⁵³ ay jtuhl ants la sch'ojbe cohel ye molino ta sjol te Abimelec, la slombe sbaquel sjol a.

Bible in Tzeltal de Oxchuc y Tenejapa

⁵³ Pero ay jtul ants la xch'ojbey coel tel cha', jul ta mero sjol, la slombey te sbaquel sjole.

Jueces 9:53 Referans Kwoze

2 Samuel 11:21

¿Mach'a la smil te Abimelec te snich'an Jerobaal? ¿Ma bal jtuhluc ants te la sch'oj cohel tal jxeht' ye molino, te hich laj a ta Tebes? ¿Bin yu'un te c'ax nohpojex bahel ta ts'ahc? teme xchihe, hich me yac awalbe: Soc laj te awa'bat Urías te heteo-winic, xchihan me.

Job 31:3

¿Ma bal ha'uc ya xc'oht jinel ta stojol te mach'a chopol yo'tan, soc te ya xc'oht lajinel ta stojol te mach'atic ya spasic te bin chopole?

Jeremías 50:45

Ha yu'un a'iya awa'iyic te bin schapoj te Jehová ta stojol Babilonia, te bin snopoj te ya spasbe te mach'atic nahinemic ta Temán. Ya me stasic bahel te tut tuminchijetic yu'un te jtsohb tuminchijetic, pajal ya slajinic soc te yaxal aquiltic yu'unique.

Jeremías 49:20

Ha yu'un a'iya awa'iyic te bin schapoj Jehová ta stojol Edom, te bin snopoj te ya spasbe te mach'atic nahinemic ta Temán. Ya me stasic bahelte mero tut tuminchijetic yu'un te jtsob tuminchijetic, pajal ya slajinic soc te yaxal aquiltic yu'unique.

Jueces 9:20

Yan teme ma hichuque, ac'a loc'uc bahel c'ahc' ta stojol Abimelec te ya slajin te mach'atic ayic ta Siquem soc ta Bet-milo, soc ac'a loc'uc bahel c'ahc' ta Siquem soc ta Bet-milo te ya slajin te Abimelec, xchi te Jotam.

2 Samuel 20:21

Ma hichuc ay. Pero ay jtuhl winic talem ta witsiltic yu'un Efraín, Seba sbihil, snich'an Bicri, te la shach sc'ab ta scontrahinel te ajwalil David. Ha nax me xawa'bon ta jc'ab, hich ya quihquitay hilel te pueblo, xchi. Te ants la yalbe te Joab: Ya me awich' ch'ojbeyel cohel tal sjol c'alal ta ba ts'ahc, xchi.

Jueces 9:15

Te ch'ix hich la sjac'be te te'etic: Teme melel yac awac'onic ta ajwalil awu'unic, la' me, ac'a abahic ta caxinal; teme ma'uque, ac'a loc'uc tal c'ahc' ta ch'ix, ac'a schic'ticlan te cedrohetic te ay ta Líbano, xchi.

Jueces 9:52

C'oht ta ilo-q'uinal te Abimelec, la ya'be guerra. Pero c'alal nohpoj bahel ta puerta yu'un ya ya'be sc'ahc'al,

Jueces 4:9

Ya joquinat bahel; pero ma ba ya x'ich'otat ta muc' yu'un te bin yac apas, como te Jehová ya me yac' ta sc'ab jtuhl ants te Sísara, xchi. Hich te Débora baht soc Barac ta Cedes.