Jueces 9:45 - Bible in Tzeltal Bachajón

⁴⁵ Te Abimelec sjunal c'ahc'al la ya'be guerra te pueblo, la stsal soc la smil te mach'atic tey ayic a; la sjin te pueblo, soc la sts'umbe hilel ats'am.

Bible in Tzeltal de Oxchuc y Tenejapa

⁴⁵ Te Abimelec, sjunal c'aal la yac'bey sba guerra soc Siquem, ja' to c'alal la yu'unin te lume. La sjin te lum, soc spisil la smil te ants-winiquetique. Ta patil la yac'bey jilel ats'am te lume.

Jueces 9:45 Referans Kwoze

2 Reyes 3:25

la slajimbeyic te pueblohetic, soc ta spisil te lequil q'uinaletic jujutuhl la snojesic hilel ta ton; la sbut'ticlanic spisil te sloq'uib-ha'etic soc la sts'eticlanic spisil te lequil te'etic. Ha xanix hil te Kir-hareset, pero te j'ac'-jihmuch'iletic la sjoytayic soc la slajinic.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Sofonías 2:9

Ha yu'un, ya cal ta jamal te bin ut'il cuxulon, xchi te Jehová te scuentahinej spisil, te Dios yu'un Israel, te Moab hich ya xc'oht te bin ut'il Sodoma, soc te amonetic hich ya xc'ohtic te bin ut'il Gomorra; ha q'uinal yu'un ch'ixetic ya xc'oht soc yawil banti ya xloc' ats'am, jimbil ya xhil sbahtel q'uinal. Te mach'atic cuxulic hilel yu'un te pueblo cu'un ya me spojbeyic sbiluquic soc ya me yich'beyic te sq'uinalique.

Ezequiel 47:11

Pero te nicnic ahch'al soc te pampam ha'etic yu'un ma ba ya xlecubic, ha sloq'uesojibal ats'am ya xhilic.

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

1 Reyes 12:25

Te Jeroboam la spas xan te Siquem ay ta witsiltic yu'un Efraín, nahin tey a. Patil loc' bahel tey a, la spas xan te Penuel.

Jueces 9:44

Te Abimelec soc te mach'atic sjoquinejic ora baht yac' sbahic ta yochibal te pueblo; yan te cha'chahp xan ora baht sta sbahic soc la smilic te mach'atic ayic ta c'altic.