Jueces 9:28 - Bible in Tzeltal Bachajón

²⁸ Hich la yal te Gaal snich'an Ebed: ¿Mach'a a te Abimelec, soc mach'a a te Siquem, yu'un ya cac' jbahtic ta a'batinel yu'une? ¿Ma bal ha'uc snich'an Jerobaal, soc ma bal ha'uc smohlol ta a'tel te Zebul? Ac'a abahic ta a'batinel yu'un te winiquetic yu'un Hamor te stat Siquem. ¿Bin yu'un ya cac' jbahtic ta a'batinel yu'un te Abimelec?

Bible in Tzeltal de Oxchuc y Tenejapa

²⁸ Te Gaal la yal: —¿Mach'a ya scuy sba a te Abimelec? Ma me yanuc, melel ja' snich'an te Jerobaal, soc ja' sjoy ta at'el te Zebul. Te jo'otic ta Siquem ¿mach'aotic a te jich c'oemotic te bit'il mozo yu'une? Te jo'otic smozootic Hamor te la sjajch'es te lum Siquem, pero ma me ja'uc smozootic te Abimelec.

Jueces 9:28 Referans Kwoze

Génesis 34:2

C'alal ilot yu'un te Siquem snich'an Hamor te heveo-winic, te jtsobaw yu'un te q'uinal tey a, way soc te Dina, hich la sbohlobtesbe sc'oblal.

1 Samuel 25:10

Pero te Nabal hich la sjac'be sc'opic: ¿Mach'a a te David, mach'a a te snich'an Isaí? Yo'tic ayix bayel a'batetic te yacalic ta ahnel ta stojol te yajwalique.

Génesis 34:6

Te Hamor te stat Siquem tal sc'opon te Jacob.

1 Reyes 12:16

Te c'alal la yilic spisil te pueblo Israel te ma ba ich'otic ta cuenta yu'un te ajwalil, hich la yalbeyic: ¿Bin cocheltic a te David? Mayuc bin ay cu'untic ta scuenta te snich'an Isaí. ¡Bahanic ta anahic, Israel! ¡Cuentahina ana atuquel, David! xchihic. Hich bahtic ta snahic te Israel.

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

Jueces 9:26

Ay jun buelta te Gaal snich'an Ebed baht soc yermanotac ta Siquem; te mach'atic ayic ta Siquem la yac' smuc'ul yo'tanic ta stojol.

Génesis 33:19

La sman jsehp q'uinal te banti la stehc'an te snahilpac', ha chombot yu'un te snich'nab Hamor te stat Siquem, ho'winic (100) ta sehp plata la stoj.

Jueces 9:41

Te Abimelec hil ta Aruma, te Zebul la sten loq'uel ta Siquem te Gaal soc te yermanotac scuenta yu'un ma ba ya xnahinic tey a.