Jueces 9:24 - Bible in Tzeltal Bachajón

²⁴ scuenta yu'un te bin chopol pasbotic te lajuneb schanwinic (70) ta tuhl snich'nab Jerobaal, soc te sch'ich'elic, ya xc'oht ta stojol Abimelec, te bin ut'il la smilticlan, soc te ya xc'oht ta stojol te winiquetic yu'un Siquem yu'un te la scoltayic ta smilel te yermanotac.

Bible in Tzeltal de Oxchuc y Tenejapa

²⁴ Ja' me stojol c'ot te xch'ich'el te la smil te lajuneb xchanwinic (70) ta jtul snich'nab Jerobaal; soc te mach'atic ay ta Siquem, ja' me stojol c'ot ta swentaic te bit'il la scoltay ta smilel te yermanotaque.

Jueces 9:24 Referans Kwoze

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

Salmos 7:16

¡Te bin chopol spasoj ya me suht tal ta stojol, te uts'inel yu'un ya suht tal ta sjol!

Ester 9:25

Pero c'alal c'oht ta stojol ajwalil te Ester, la yal mandar ta carta te ajwalil te ac'a suhtuc ta stojol Amán te bin chopol schapoj ta scontrahinel te judiohetic; soc ac'a yich' jihpanel ta te' soc te snich'nabe.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.

Deuteronomio 27:25

Chopol sc'oblal te mach'a ya yich' taq'uin yu'un smilel te mach'a mayuc smul, xchihic. Hichuc, xchihic me spisil te pueblo.

Números 35:33

Ma me xabohlobtesbeyic sc'oblal te q'uinal te banti ya xnahinex; como te ch'ich' ini ya sbohlobtesbe sc'oblal te q'uinale; ma xhu' ya yich' lecubtesbeyel sc'oblal te q'uinal yu'un te ch'ich' malbil tey a, ha nax ta scuenta te sch'ich'el te mach'a la smal te ch'ich'e.

Jueces 9:25

Te winiquetic yu'un Siquem la yaq'uic winiquetic ta sba te witsiltic te la snac' sbahic yu'un ya yelc'ambeyic sbiluc spisil mach'atic ya xc'axic bahel ta be. Hich halbot ya'iy te Abimelec.

Jueces 1:7

Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.

1 Reyes 2:33

Te sch'ich'elic ac'a c'ohtuc ta scuenta Joab soc ta scuenta sts'umbal sbahtel q'uinal. Yan te David soc te sts'umbal, ta sna soc ta shuctajib, spisil me ora lamal q'uinal ta stojol yu'un te Jehová, xchi.

Salmos 7:17

Ya calbe yutsil sc'oblal te Jehová yu'un toj te yo'tane, ya jc'ayojtaybe sbihil te Jehová te mero toyol ay.