Jueces 9:23 - Bible in Tzeltal Bachajón

²³ Dios la sticombe bohl espíritu yu'un hach-c'op ta stojol Abimelec soc te winiquetic yu'un Siquem; hich hahch scontrahinic Abimelec,

Bible in Tzeltal de Oxchuc y Tenejapa

²³ Ja'uc me to, Dios la sticunbey bol espíritu ta stojol, soc ta stojol yajwal Siquem, swenta yu'un jich ya xjajch' scontroin sbaic a.

Jueces 9:23 Referans Kwoze

Isaías 33:1

¡Ay me awocol, ha'at te ya xjinawanat, te mayuc bin ora la awich' jinele; te yac awac' ta c'abal, aunque mayuc mach'a la yac'at ta c'abal! C'alal ya xlaj awo'tan ta jinaw, ya me awich' jinel; c'alal ya xlaj awo'tan ta ac'aw ta c'abal, ya me x'ac'otat ta c'abal.

Isaías 19:14

Te Jehová la yac'ticlambe espíritu yu'un ma sna'ic bin ya spasic; ha la showiytesic te Egipto ta spisil bin ya spas, hich te bin ut'il jyacubel te xbahlawet ta xe.

Isaías 19:2

Ya yal te Jehová: Ya cac' te ya scontrahin sbahic te egipciohetic, jujutuhl ya stsac sbahic soc yermano, jujutuhl soc te spat-xuhc, te pueblohetic ya scontrahinic yan pueblohetic, soc ajwalil ya scontrahin yan ajwalil.

San Mateo 7:2

como te bin ut'il yac awilbeyic ya'tel yan, hich nix ya x'ilot te awa'telic, soc te bin yilel yac ap'isbeyic, ha ni me hich yac awich'ic p'isbeyel.

2 Crónicas 10:15

Te ajwalil ma la yich'be ta cuenta te sc'op te pueblo; como hich la sc'an yo'tan te Diose, scuenta yu'un ya xc'oht ta pasel te bin yaloj te Jehová ta scuenta Ahías te talem ta Silon ta stojol Jeroboam snich'an Nabat.

1 Reyes 12:15

Hich te ajwalil ma ba la yich' ta cuenta te pueblo, como hich la sc'an te Jehová te hich ya xc'oht ta pasel a te bin la yalbe te Jeroboam snich'an Nabat ta scuenta te Ahías te talem ta Silo.

Jueces 9:20

Yan teme ma hichuque, ac'a loc'uc bahel c'ahc' ta stojol Abimelec te ya slajin te mach'atic ayic ta Siquem soc ta Bet-milo, soc ac'a loc'uc bahel c'ahc' ta Siquem soc ta Bet-milo te ya slajin te Abimelec, xchi te Jotam.

Jueces 9:22

Te c'alal c'axemix oxeb ha'bil a te la scuentahin Israel te Abimelec,

San Marcos 3:24

Teme ay ya scontrahin sbahic te ban cuentahimbil yu'un, ma xhu' ya xhalaj.