Jueces 9:15 - Bible in Tzeltal Bachajón

¹⁵ Te ch'ix hich la sjac'be te te'etic: Teme melel yac awac'onic ta ajwalil awu'unic, la' me, ac'a abahic ta caxinal; teme ma'uque, ac'a loc'uc tal c'ahc' ta ch'ix, ac'a schic'ticlan te cedrohetic te ay ta Líbano, xchi.

Bible in Tzeltal de Oxchuc y Tenejapa

¹⁵ Te ch'ix la yal: “Teme melel te jich ya sc'an awo'tanic te ya x'ochon ta muc' ajwalil awu'unique, apisilic me ya xtal awac' abaic ta caxinal. Yan teme ma jichuc awo'tanic te muc' ajwalilon awu'unique, ya me xloc' tel c'ajc' ta jtojol, ya me slajin te cedroetic te ay ta Líbano”, xi' te ch'ixe —xi' te Jotame.

Jueces 9:15 Referans Kwoze

Isaías 30:2

Ya xcohic bahel ta Egipto, pero ma ba la sjoc'obonic. Ya sc'anic te ya yich' yipic ta scuenta yip te faraón, ha ya smuc'ulin yo'tanic te canantayel yu'un Egipto.

Oseas 14:7

Ya suhtic tal, ya shuhcan sbahic ta ye'tal yaxinal; ya xcuxajic xan hich te bin ut'il trigo, ya snichin hich te bin ut'il ts'usub, te sumet yic' hich ya xc'oht te bin ut'il te vino yu'un Líbano.

Isaías 2:13

spisil te cedrohetic ta Líbano te toyol ayic soc te stoyoj sbahic, soc spisil te jihte' ta Basán;

Jueces 9:20

Yan teme ma hichuque, ac'a loc'uc bahel c'ahc' ta stojol Abimelec te ya slajin te mach'atic ayic ta Siquem soc ta Bet-milo, soc ac'a loc'uc bahel c'ahc' ta Siquem soc ta Bet-milo te ya slajin te Abimelec, xchi te Jotam.

Daniel 4:12

Mero t'ujbil te ya'binal socbayel te sit, tic' ya sta swe'elic ta spisilic a. Te ha'mal chambahlametic la stahic yaxinal ta ye'tal, ta sc'abc'ab la spas spechechic te mutetic, soc spisil te bintic cuxajtic tey la sta swe'elic a.

Ezequiel 19:14

Loc' c'ahc' ta sch'oxal te sc'abc'ab te la slajimbe te site; mayuquix hil tulan ste'el te ya xtuhun yu'un sbastón ajwalil, xchi. (Ha c'ayoj scuenta oq'uel ini, ya xtuhun scuenta c'ayoj yu'un oq'uel.)

Isaías 37:24

Ta scuenta te a'batetic awu'un la alaban te Muc'ul Ajwalil, hich la awal: Mohon bahel ta sba witsiltic soc te ipal carretahetic yu'un guerra cu'un, ta jaxal coheletic yu'un Líbano; la jts'eticlambe te toyol cedrohetic yu'un, te mero lequil tajaltic yu'une; la jta c'ohel c'alal ta stoyolil te witsetic yu'un, ta tohyem te'etic te bayel ya'binal.

Salmos 104:16

Bayel ya'lel ya stahic te te'etic yu'un Jehová, ha te cedrohetic ta Líbano te ts'umbil yu'une.

2 Reyes 14:9

Pero te Joás hich la sticombe suhtib sc'op te Amasías ajwalil yu'un Judá: Te ch'ix te ay ta Líbano la sticon ta halbeyel te cedro te ay ta Líbano: A'beya yic' awantsil-nich'an te jquereme, xchi. Pero te ha'mal chambahlametic ta Líbano tal sts'o'ticlanic hilel ta teq'uel te ch'ixe.

Números 21:28

Yu'un loc' tal c'ahc' ta Hesbón, loc' tal yat c'ahc' ta pueblo yu'un Sehón, te la slajin te Ar yu'un Moab, te mach'atic ich'bilic ta cuenta ta mohel q'uinal ta Arnón.

San Mateo 13:32

Melel ha mero tut yu'un spisil yantic ts'unubiletic, pero te c'alal ya xcol tal, c'ax hich smuc'ul ya xc'oht a te bin ut'il te yantic ts'unubiletic ta yawil ts'unubil, te' ya xc'oht, ya xtal te ha'mal mutetic, ya spas spechechic ta sc'abc'ab, xchi.

Ezequiel 31:3

Ilawil te Asirio, te ha cedro yu'un Líbano, buen t'ujbil sc'abc'ab, pim ya'binal, soc mero toyol, te sni'il c'ohem c'alal tocal.

Isaías 1:31

Te mach'a ay yip hich ya xc'oht te bin ut'il taquin ac, soc te ya'tel hich te bin ut'il nich-c'ahc'; ta schebal pajal ya xchic'otic, soc mayuc mach'a ya stup', xchi te Jehová.

Jueces 9:49

Hich spisil te winiquetic la sbojic sc'ab te' soc la st'unic bahel te Abimelec; la sbusanic tey ta tulan ahnibal, la ya'beyic sc'ahc'al. Hich laj spisil mach'atic ayic ta ilo-q'uinal yu'un Siquem, ay wan j'ohlil yoxbahc' (1,000) ta tuhl winiquetic soc antsetic.

Jueces 9:14

Ha yu'un spisil te te'etic baht yalbeyic te ch'ix: La' me, ochan ta ajwalil cu'uncotic, xchihic.

Jueces 9:16

Yo'tic, ¿smelelil bal soc stojil bal la apasic te la awotsesic ta ajwalil te Abimelec? ¿Lec bal te bin la apasbeyic te Jerobaal soc te mach'atic ay yu'un, hich bal la atojbeyic te bin ut'il ay te ya'tele?

Salmos 29:5

Te sc'op Jehová ya swuyticlan te cedrohetic; te Jehová ya swuyticlan te cedrohetic yu'un Líbano.

Jueces 9:44

Te Abimelec soc te mach'atic sjoquinejic ora baht yac' sbahic ta yochibal te pueblo; yan te cha'chahp xan ora baht sta sbahic soc la smilic te mach'atic ayic ta c'altic.

Lamentaciones 4:20

Och ta yaquil te mach'a tsahbil yu'un Jehová, ha te mach'a cuxulotic ta scuenta, ha te mach'a hich la jcalbetic sc'oblal: Ya xcuxajotic ta yaxinal ta yohlil te nacionetic, te xchihotique.