Jueces 8:4 - Bible in Tzeltal Bachajón

⁴ Te Gedeón c'oht ta Jordán soc te ho'lajunwinic (300) ta tuhl winiquetic sjoquinej, sohlic bahel, aunque luhbenic, la to snutsic bahel te madianetique.

Bible in Tzeltal de Oxchuc y Tenejapa

⁴ Te Gedeón c'ot ta muc'ja' Jordán soc te jo'lajunwinic (300) ta jtul swinictaque. C'axic bael, manchuc me ayix bayal lubel la yaiyic ta snutsel bael te scontroique.

Jueces 8:4 Referans Kwoze

Gálatas 6:9

Ha yu'un ma me xluhbotic ta spasel te bin lec ta pasele, como ya me sta yorahil te ya jtsobetic sit, teme ma ba ya xpehc'aj co'tantique.

2 Corintios 4:16

Ha yu'un ma ba ya xlaj yip co'tantic; aunque behbe yac ta lajel yip te jbaq'uetaltic, jujun c'ahc'al behbe yich'bel yip te co'tantic,

1 Samuel 30:10

Te David baht soc jbahc' (400) ta tuhl; hilic lajunwinic (200) ta tuhl como luhbenic, ma ba hu' sc'axelic ta uc'um Besor.

Jueces 7:25

La stsaquic cheb príncipaletic yu'un te madianetic, ha te Oreb soc Zeeb. La smilic te Oreb ta muc'ul ton yu'un Oreb, soc te Zeeb la smilic ta sp'e'ojibal sts'usub Zeeb. C'alal laj yo'tanic ta snutsel te madianetic, la yich'beyic tal sjol te Oreb soc Zeeb ta stojol Gedeón te ay ta jehch ha' Jordán.

Jueces 8:3

Dios la ya'beyex ta ac'abic te Oreb soc Zeeb, te príncipaletic yu'un Madián. ¿Bin a te hu' cu'un spasel te pajal soc te bin la apasic te ha'exe? xchi. Hich lahmaj bahel te yilimbahic ta stojol Gedeón te c'alal hich halbotic yu'une.

1 Samuel 30:8

Te David la sjoc'obe te Jehová: ¿Ya bal jnuts bahel te jpoj-biluquetique? ¿Ya bal xhu' ya jta? xchi. La sjac' te Jehová: Nutsa bahel, ya me ata, soc ya me acoltay tal te mach'atic bahemic ta chuquel, xchi.