Jueces 8:33 - Bible in Tzeltal Bachajón

³³ Pero te c'alal chamenix a te Gedeón, te snich'nab Israel suhtic xan yac'bel sbahic ta antsinel c'ohem ta stojol te baaletic, soc la sdiosinic te Baal-berit.

Bible in Tzeltal de Oxchuc y Tenejapa

³³ Te c'alal lajemix a te Gedeón, te israeletic la yijq'uitay xan ta yo'tanic te Diose, ja' ba xch'uunic te loc'ombaetic yu'un Baal. Ja' mero la stsa sdiosinic te Baal-berit.

Jueces 8:33 Referans Kwoze

Jueces 9:46

C'alal hich la ya'iyic spisil mach'atic ayic ta yutil te ilo-q'uinal yu'un Siquem, baht snac' sbahic ta tulan ahnibal ta templo yu'un El-berit.

Jueces 9:4

Soc la ya'beyic lajuneb schanwinic (70) ta sehp plata te talem te templo yu'un Baal-berit, te ha la stoj a chopol ch'ajil winiquetic te Abimelec te la st'unic bahel.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

Jueces 8:27

Te Gedeón la spas ta efod te la yac' ta slumal ta Ofra. Spisil Israel la yac' sbahic ta antsinel c'ohem ta stojol te efod tey a. Ha sc'ohchinojibal c'oht yu'un te Gedeón soc spisil mach'atic ay yu'un ta sna.

Jueces 2:17

Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

Jeremías 3:9

Te bin ut'il mayuc sc'oblal la ya'iy te la yac' sba ta antsinel, hich la sbohlobtes te q'uinal, yu'un la yac' sba ta antsinel ta stojol ton soc te'.

2 Reyes 12:2

Te Joás toj bin la spas ta stojol Jehová te jayeb c'ahc'al p'ijubtesot yu'un te sacerdote Joiada.

Jueces 9:27

Loq'uic bahel ta ts'usubiletic, la stulbeyic sit soc la stec'ticlanic, la spasic q'uin. Patil ochic bahel ta templo yu'un te diosetic yu'unic; c'alal yacalic ta we'el uch'el a hahch sbohlc'optayic te Abimelec.

Josué 24:31

Te Israel la sch'uhuntayic te Jehová te jayeb ha'bil cuxul te Josué, soc te jayeb ha'bil cuxul hilel yu'un Josué te mamaletic te sna'ojic spisil te bintic la spas Jehová ta stojol Israel.

Jueces 2:12

La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.

Jueces 8:32

Mamalix a cham te Gedeón snich'an Joás, la yich' muquel ta smuquenal Joás te stat te ay ta Ofra yu'un te abiezeretic.

Jeremías 23:27

Ta scuenta te swayichic te ya yalbe sbahic, ¿ya bal scuyic te hich ya yac' ch'ayucon ta yo'tan a te pueblo cu'un, hich te bin ut'il ch'ay te jbihil ta yo'tanic te sme'static ta scaj te Baal?

Jueces 3:7

Te snich'nab Israel la spasic te bin chopol ta stojol Jehová te Dios yu'unic, ha la sch'ay ta yo'tanic te Jehová te Dios yu'unic soc la yac' sbahic ta a'batinel yu'un te baaletic soc te loc'ombahetic yu'un Asera.

Jueces 10:6

Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.