Jueces 8:30 - Bible in Tzeltal Bachajón

³⁰ Ay lajuneb schanwinic (70) ta tuhl snich'nab, como ay bayel ta tuhl antsetic yu'un.

Jueces 8:30 Referans Kwoze

Jueces 9:5

Baht ta sna te stat ta Ofra, la smilticlan te yermanotac ta sba junax ton, ha te lajuneb schanwinic (70) ta tuhl snich'nab Jerobaal. Pero hil te Jotam te xutul-nich'an Jerobaal, yu'un la snac' sba.

Jueces 9:2

Awocoluc, halbeya ya'iyic spisil te mach'atic ayic ta Siquem: ¿Banti lec yac awa'iyic, ha bal lec teme ya scuentahinex te lajuneb schanwinic (70) ta tuhl snich'nab Jerobaal o ha bal lec teme ya scuentahinex jtuhl nax winic? Na'ahic me te pajal jbaqueltic soc jbaq'uetaltic, xchi.

1 Reyes 11:3

Ay ho'lajunwinic scha'bahc' (700) ta tuhl te la yihnamin, te ha yantsil-nich'anic ajwaliletic, soc ho'lajunwinic (300) ta tuhl yantic antsetic yu'un. Te antsetic yu'un la showiytesbeyic yo'tan te Salomón.

Deuteronomio 17:17

Soc ma me xyic' tsobol antsetic, scuenta yu'un ma xhowiy yo'tan a; soc ma me sbusan bayel oro soc plata yu'un.

Malaquías 2:15

¿Ma bal junuc nax pasbil yu'un Dios, te ha sbaq'uetal soc sch'uhlel? ¿Soc bin ya sle? Ha ya sle ts'umbalil te jun yo'tanic ta stojol Dios. Canantaya awo'tanic, ma me xch'ay te jun awo'tan ta stojol awihnam te la ata c'alal queremat to ahe.

2 Reyes 10:1

Te Acab ay lajuneb schanwinic (70) snich'nab ta Samaria. Te Jehú la sts'ihbay cartahetic, la sticonlan ta Samaria ta stojol te príncipaletic, te mamaletic soc te mach'atic scuentahinejic te snich'nab Acab, hich la yal ta carta:

Jueces 12:14

Ay cha'winic (40) ta tuhl queremetic soc ay lajuneb scha'winic (30) ta tuhl smamatac te mohic ta lajuneb schanwinic (70) ta coht burro. Ha juez yu'un Israel waxaqueb (8) ha'bil.

Jueces 12:9

Ay lajuneb scha'winic (30) ta tuhl squerem-nich'nab soc lajuneb scha'winic (30) ta tuhl yantsil-nich'nab. Te yantsil-nich'nab la yac' nuhpunuc soc winiquetic te q'uejel talemic; te squerem-nich'nab la yac'ticlambe yic' lajuneb scha'winic (30) ach'ixetic te q'uejel talemique. Huqueb ha'bil ay ta juez yu'un Israel.

Jueces 10:4

Ay lajuneb scha'winic (30) ta tuhl snich'nab te mohic ta lajuneb scha'winic (30) ta coht burro; soc ay lajuneb scha'winic (30) pueblohetic yu'unic ta sq'uinal Galaad, te ha ‘pueblohetic yu'un Jair’, xchi sbihilic c'alal ora.

Éxodo 1:5

Spisil te sts'umbal Jacob, lajuneb schanwinic (70) ta tuhl. Te José tey ayix ta Egipto a.

Génesis 46:26

Ta spisil te mach'atic ochic soc Jacob ta Egipto, te ha sts'umbal, ta spisil ay waqueb schanwinic (66) ta tuhl, ma ba la yich' ahtayel stuquel te yihnamic te snich'nabe.

Génesis 7:7

Ta scaj te puhlel och ta barco te Noé soc snich'nab, te yihnam soc yihnam te snich'nabe.

Génesis 2:24

Ha scuentahil te winic ya yihquitay hilel te stat soc snan, ya yic' sba soc te yihnam, junax ya xc'oht schebalic.

Jueces 8:31

Soc ay yan ants yu'un ta Siquem te la yalataybe jtuhl squerem-nich'an, te la ya'be sbihilin Abimelec.

Jueces 9:18

pero te ha'exe hahch acontrahinic te mach'atic ay yu'un te jtat, la amilic te lajuneb schanwinic (70) ta tuhl snich'nab ta sba junax ton soc la awaq'uix ta ajwalil yu'un Siquem te Abimelec te squerem-al scriada, te bin ut'il ha awermano.

Jueces 9:1

Te Abimelec snich'an Jerobaal, baht ta Siquem ta stojol te yermanotac te snane, hich la yalbe soc spisil mach'atic ay yu'un te jchahp sna te snane: