Jueces 8:24 - Bible in Tzeltal Bachajón

²⁴ Soc la yal xan: Ay bin ya jc'ambeyex: jujutuhlex a'bonic te staq'uinal chiquinil te la apojic, xchi. (Yu'un ay staq'uinal chiquiniletic pasbilic ta oro, como ha'ic ismaeletic.)

Bible in Tzeltal de Oxchuc y Tenejapa

²⁴ Te bi ya jc'anbeyex, ja' te ya awac'bonic te staq'uinal chiquiniletic la apojic, teme jich awo'tanique —xi'. (Ja' scostumbre te madianetic te ay staq'uinal xchiquinic pasbilic ta oro, jich bit'il yantic ismaeletic.)

Jueces 8:24 Referans Kwoze

Génesis 25:13

Hich sbihilic te snich'nab Ismael te xmelmon bahel te bin ut'il ayinique: Te sba-nich'an Ismael, Nebaiot, Cedar, Adbeel, Mibsam,

Génesis 37:28

C'alal yacalic ta c'axel tey a te jchombajel madianetic, la sloq'uesic ta ch'en te José, la schombeyic bahel te ismaeletic, jtahb (20) ta sehp plata stojol. La yiq'uic bahel ta Egipto te José.

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

1 Reyes 20:11

La sjac' te ajwalil yu'un Israel: Halbeya: Te mach'a ya xchuc ya'tejib yu'un guerra ma me hichuc ya stoy sba te bin ut'il mach'a ya schol loq'uel ya'tejib yu'un guerra, xchi.

1 Samuel 25:11

¿Ya bal c'an jtsac te pan, te ha' soc te ti'bal te la jchahpan yu'un ya ca'be te jloq'uesej-stsotsel-tuminchijetic cu'un, te ha ya ca'be te winiquetic te ma jna' banti talemic? xchi.

Éxodo 32:3

Ha yu'un spisil te pueblo la sloq'uesic te oro ay ta schiquinic, la yich'ic tal ta stojol Aarón.

Éxodo 12:35

Te snich'nab Israel hich la spasic te bin ut'il pasotic ta mandar yu'un Moisés, la sc'ambeyic bahel te egipciohetic te bintic pasbilic ta oro soc plata, soc c'u'uletic.

Génesis 24:53

Soc la sloq'ues mahtaniletic pasbilic ta oro soc ta plata, soc c'u'ul pac'aletic, la ya'be te Rebeca. Soc la ya'be t'ujbil mahtaniletic te sbanquil soc te snane.

Génesis 24:22

C'alal laj yo'tan ta yuch'el ha' te camellohetic, te winic la ya'be jun ch'ocowil pasbil ta oro te j'ohlil siclo yalal, soc cheb xan staq'uinal snuc' sc'ab pasbil ta oro te lajuneb siclo yalal.

Génesis 35:4

Hich la ya'beyic te Jacob spisil te yantic diosetic te yich'ojic soc te staq'uinal schiquinique. Te Jacob la smuc hilel ta lum ta ye'tal jihte' ta nopol Siquem.

Jueces 8:25

Hich la sjaq'uic: Jun co'tan ya ca'batcotic, xchihic. Hich la slimic pac', tey la sch'ojic a te staq'uinal chiquiniletic la spojic talel.

Génesis 25:12

Hich ay te sts'umbal Ismael te snich'an Abraham te la yalatay Agar te egipcia-ants, te scriada Sara.

Éxodo 32:4

La yich'ticlan te bin a'bot yu'unic, la spas ta cincel ta sloc'omba jcolel toro ta uhltesbil oro. Ha yu'un la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchihic.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Ezequiel 7:20

Te st'ujbilal te sch'ahlelic la sc'atp'unic ta toybahil, la spasic a te loc'ombahetic yu'un te bintic ilobtic sbahic yu'unique; ha yu'un ya jc'atp'umbe ta c'a'pal te sch'ahlelique.