Jueces 8:23 - Bible in Tzeltal Bachajón

²³ Pero la sjac' te Gedeón: Ma ajwalilucon ya xc'ohon awu'unic, ni ha'uc te jnich'an, ha me Ajwalil awu'unic ya xc'oht te Jehová, xchi.

Bible in Tzeltal de Oxchuc y Tenejapa

²³ Ja'uc me to, te Gedeón la sjac': —Ni te jo'on, ni te jnich'an, ma ajwaliluc ya xc'ootic awu'unic. Ja' me ajwalil cu'untic te Cajwaltique.

Jueces 8:23 Referans Kwoze

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

1 Samuel 12:12

Pero te c'alal la awilic te ya xtal ya'beyex guerra te Nahas, te ajwalil yu'un te amonetic, hich la awalbonic: Ma'uc, ac'a scuentahinotcotic ajwalil, xchihex, aunque ha ajwalil awu'unic te Jehová te Dios awu'unique.

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

2 Corintios 1:24

Ma yu'unuc ya ca'batincotic te bin yac ach'uhunic, ha jmohlol jbahtic ta a'tel scuenta yu'un ayuc stse'elil awo'tanic, como ha ta scuenta sch'uhunel awo'tanic te ay yip awo'tanique.

1 Pedro 5:3

Ma me xacuy abahic ta ajwalil ta stojol te mach'atic ayic ta acuentahic, ha me xawa'beyic yil ta scuenta te bintic yac apasique.

Jueces 10:18

Te príncipaletic soc te winiquetic yu'un Galaad talel c'axel hich la yalbe sbahic: ¿Mach'a a te ya xhahch ya'be guerra te amonetique? Te mach'a hich ya spas, ha j'ic'aw ta guerra ya xc'oht yu'un spisil mach'atic nahinemic ta Galaad, xchihic.

Jueces 2:18

Te c'alal ya yac' chicnajuc juecetic te Jehová, joquimbil yu'un Jehová te juez, soc ya scoltay loq'uel ta sc'ab scontrahic te jayeb c'ahc'al cuxul te juez; como te Jehová ya sna'be yo'bolil sbahic c'alal ya ya'iybe yacanic yu'un te mach'atic uts'inotic soc te a'botic swocolic yu'une.

Isaías 63:19

Hich c'ohemotcotic te bin ut'il mach'atic mayuc bin ora la acuentahin, te mayuc bin ora la jquich'batcotic te abihile.

Jueces 8:22

Te snich'nab Israel hich la yalbeyic te Gedeón: Ajwalil cu'uncotic me ya xc'ohat soc anich'an soc amam, te bin ut'il la acoltayotic loq'uel ta sc'ab Madián, xchihic.

Salmos 10:16

Te Jehová ha Ajwalil ta spisil ora soc ta sbahtel q'uinal; te nacionetic ya xch'ayic ta sq'uinalic.

Salmos 149:2

Tse'eluc me yo'tan Israel ta stojol te Jpaswanej yu'une; te snich'nab Sión tse'eluc me yo'tanic ta stojol te Ajwalil yu'unique.