Jueces 8:21 - Bible in Tzeltal Bachajón

²¹ Ha yu'un la yalic te Zeba soc te Zalmuna: Milawotcotic ha'at; yu'un hich te bin ut'il ay te winic, hich ay te yipe, xchihic. Hich hahch te Gedeón, la smilticlan te Zeba soc Zalmuna; soc la yich'be te sch'ahlel te ha yach'il u yilel te ay ta snuc' te camellohetic yu'une.

Bible in Tzeltal de Oxchuc y Tenejapa

²¹ Jich yu'un te Zeba soc te Zalmuna la yalbeyic te Gedeón: —Milawotic ja'at. Teme winicate, ya xna'ot ta swenta te atulanile —xiic. Te Gedeón och ta smilel soc la stsacbey te xch'alil te ay ta snuc' te camelloetic yu'un Zeba soc Zalmuna.

Jueces 8:21 Referans Kwoze

Salmos 83:11

Te capitanetic yu'unic ac'a c'ohtuquic hich te bin ut'il Oreb soc Zeeb; hich te bin ut'il Zeba soc Zalmuna spisil te príncipaletic yu'unic,

Isaías 3:18

Ta hich ora te Cajwaltic ya sloq'uesbe te sch'ahlel yoquic, sch'ahlel sjolic soc sch'ahlel snuq'uic te yach'il u yilel,

Jueces 8:26

Te yalal te staq'uinal chiquiniletic te la sc'ambe, ha ho'winic yo'bahc' (1,700) siclohetic yu'un oro; ma ba la yich' ahtayel stuquel spisil ta chahp te yantic sch'ahlelalic te ha yach'il u yilelic soc te chi'in-yax c'u'ul paq'uetic te yich'ojic te ajwaliletic yu'un Madián, soc te yuhal snuc' te camellohetic yu'unique.

Apocalipsis 9:6

Ta hich ora te ants-winiquetic ya me sle slajibic, pero ma ba ya xweht yu'unic. Yo'tanuc ya xchamic, pero ya x'ahn ta stojolic te lajele.

Salmos 83:1

¡Dios cu'un, ma me ch'abaluc q'uinal awu'un! ¡Ma me xch'abat ta c'op, Dios cu'un, ma me ha'uc te ma xc'opojat!

1 Samuel 31:5

Te c'alal la yil te jcuch-a'tejibal yu'un te lajix te Saúl, ha nix hich la syahltes sba ta sni'il te espada yu'un, pajal laj soc.

1 Samuel 31:3

Tulanij te guerra ta stojol Saúl. C'alal tahot yu'un te j'ac'-t'ihmalte'etic, la yehchentesic ta tulan.

Jueces 9:54

Te Abimelec la yic' tal ta ora te jcuch-a'tejibal yu'un, hich la yalbe: Loq'uesa tal te espada awu'un, milawon a, scuenta yu'un ma hichuc ya xhalbot jc'oblal: Jtuhl ants milot yu'un, ma xchihuc. Ha yu'un te jcuch-a'tejibal yu'un la slow ta espada, hich laj.

Jueces 8:20

Hich la yalbe te Jeter te sba-nich'an: Hahchan, milticlana, xchi. Pero te querem ma ba la sloq'ues te espada, yu'un ay xiwel ta yo'tan, como querem to.

Jueces 8:22

Te snich'nab Israel hich la yalbeyic te Gedeón: Ajwalil cu'uncotic me ya xc'ohat soc anich'an soc amam, te bin ut'il la acoltayotic loq'uel ta sc'ab Madián, xchihic.

Josué 10:26

Ta patil, te Josué la smilticlan te ajwaliletic soc la sjihpanlan ta ho'tehc' te'etic. Tey jipajtic a c'alal mahl bahel c'ahc'al.

Jueces 15:12

Ha yu'un la yalbeyic: Te ho'otcotic tal jchucatcotic bahel yu'un ya cac'atcotic ta sc'ab te filisteohetic, xchihic. Te Sansón la yal: Halbonic ta jamal te ma ba yac amilonic, xchi.

Salmos 83:12

te hich yalojic: Ya me quich'betic te aquiltic yu'un Dios, xchihic.