Jueces 8:10 - Bible in Tzeltal Bachajón

¹⁰ Te Zeba soc te Zalmuna ayic ta Carcor soc j'ohlil yoxbahc' scha'pic (15,000) ta tuhl soldadohetic, ha te mach'atic hilemic ta spisil te soldadohetic talemic ta stojol banti ya xloc' tal c'ahc'al, yu'un lajemiquix ho'lajunpic (120,000) soldadohetic.

Bible in Tzeltal de Oxchuc y Tenejapa

¹⁰ Te Zeba soc te Zalmuna tey ay ta lum Carcor soc te jo'lajunmil (15,000) swinictac, te ja' xanix jilemic ta spisilic te soldadoetic talemic ta stojol sloq'uib c'aal. Melel lajemiquix wacwinic ta jmil (120,000) te swinictaque.

Jueces 8:10 Referans Kwoze

Jueces 7:12

Te madianetic, amalequetic soc te mach'atic talemic ta stojol banti ya xloc' tal c'ahc'al spucoj sbahic ta spamlej hich te bin ut'il ipal c'ulubetic, soc te camellohetic yu'unic ma hu' ta ahtayel hich te bin ut'il shi'al sti'il mar.

2 Reyes 3:26

C'alal la yil te ajwalil yu'un Moab te ya xtsalotic ta guerra yu'unic, la yic' sjoquin bahel ho'lajunwinic scha'bahc' (700) winiquetic te ay espada yu'unic yu'un ya ya'beyic guerra te ajwalil yu'un Edom; pero ma ba hu' yu'unic.

Jueces 20:46

Ta spisil te snich'nab Benjamín te lajic ta hich ora, ha oxpic soc j'ohlil yoxbahc' (25,000) winiquetic te chapalic ta espada, spisilic ha winiquetic yu'un guerra.

Jueces 20:35

Te Jehová la stsal te Benjamín ta stojol Israel. Ta hich ora te snich'nab Israel la smilic oxpic soc ho'lajunwinic yoxbahc' (25,100) winiquetic yu'un Benjamín te chapalic ta espada.

Jueces 20:25

Pero ta schebal c'ahc'al cha'loq'uic tal te snich'nab Benjamín ta Gabaa ta scontrahinel te snich'nab Israel, la smilic cha'pic soc ho'bahc' (18,000) xan snich'nab Israel, spisilic chapal ta espada.

Jueces 20:17

Soc la yich' tsobel lajuneb yoxwinic ta pic (400,000) ta tuhl winiquetic yu'un Israel te chapalic soc espada, spisilic winiquetic yu'un guerra; ma ahtaybiluc te Benjamín.

Jueces 20:15

Ta hich ora te snich'nab Benjamín la stsobic ta pueblohetic yu'un oxpic soc ho'bahc' (26,000) ta tuhl winiquetic te chapal ta espada, ma ahtaybiluc stuquel te ho'lajunwinic scha'bahc' (700) ta tuhl tsahbil winiquetic te ayic ta Gabaa.

Jueces 20:2

Te jtsobawetic yu'un spisil te pueblo, ta jujuchahp sts'umbal Israel, tey ayic a ta tsoblej yu'un te pueblo yu'un Dios, lajuneb yoxwinic ta pic (400,000) ta tuhl winiquetic te chapalic ta espada.

Isaías 37:36

Hich te ch'ul a'bat yu'un Jehová baht smil oxeb scha'winic ta pic soc lajunwinic yoxbahc' (185,000) ta tuhl ta scampamento te asiriahetique. C'alal hahchic ta sab, tey ayic a spisil te chamen-baq'uetetic.

Isaías 9:4

Como la alajimbe te yugo yu'unic te al, ha te te' ay ta snehquelic soc te bastón yu'un te mach'a uts'inot yu'un, hich te bin ut'il ta yorahil te jihn te Madián.

2 Crónicas 28:8

Soc te snich'nab Israel la schuquic bahel ho'eb scha'winic ta pic (200,000) te yermanotac, ha te antsetic, queremetic, ach'ixetic, soc bayel biluquetic te la yich'ic bahel ta Samaria.

2 Crónicas 28:6

Te Peka snich'an Remalías la smil ta Judá ta junax c'ahc'al ho'lajunpic (120,000) ta tuhl winiquetic te ma xiwic, ta scaj te la yihquitay te Jehová te Dios yu'un te sme'statique.

2 Crónicas 13:17

Te Abías soc te winiquetic yu'un c'ax bayel la smilic, laj j'ohlil yoxeb scha'winic ta pic (500,000) tsahbilic winiquetic yu'un Israel.

Jueces 7:22

C'alal yacalic ta yoq'uesinel xulubiletic a te ho'lajunwinic (300) ta tuhl winiquetic, te Jehová la yac'ticlambe smil sbahic ta spisil te campamento. Soc te soldadohetic loq'uic bahel ta ahnel c'alal ta Bet-sita, ta stojol Zerera, ha to ta sti'il sq'uinal Abel-mehola ta nopol Tabat.

Jueces 6:5

Talic soc snahilpaq'uic soc schansbahlamic hich te bin ut'il c'ax bayel c'ulubetic. Ma ba hu' ta ahtayel soc scamellohic; ha talic yu'un ya sjinic te q'uinale.

Jueces 8:11

Te Gedeón mo bahel ta be yu'un te mach'atic nahinemic ta nahilpaq'uetic ta stojol banti ya xloc' tal c'ahc'al yu'un Noba soc Jogbeha, och ya'be guerra te campamento, yu'un mayuc jcanan yu'unic.

Jueces 7:13

Ta mero yorahil te c'oht tey a te Gedeón ay jtuhl winic yac ta yalbeyel ya'iy swayich te smohlol, hich la yal: Ay jwayich. La jquil jpehch pan pasbil ta cebada te stselet tal ta campamento yu'un Madián, c'oht ta nahilpac', la smaj, puch' yu'un; la sbot'q'uin, hich laj te nahilpac', xchi.