Jueces 7:8 - Bible in Tzeltal Bachajón

⁸ Hich te Gedeón la yich'be hilel te biluquetic soc te xulubiletic yu'unic, la sticonlan bahel spisil te snich'nab Israel ta snahilpaq'uic, pero la yac' ya xhilic te ho'lajunwinic (300) ta tuhl winiquetic. Te campamento yu'un te madianetic hil ta ahlan ta spamlej.

Bible in Tzeltal de Oxchuc y Tenejapa

⁸ Jich yu'un te Gedeón la yalbey mandal te yantic, te ya sujt'ic bael ta snailpaq'uic ta bay scampamentoic. Ja'uc me to, la stsobeyic jilel te sq'uibic soc te xulubil yich'ojique. Ja' nax a jil soc Gedeón te jo'lajunwinic (300) ta jtul winiquetic te tsabiliquixe. Moel ba spas scampamentoic ta cajal yu'un te madianetic te ayic ta stenlej xatal q'uinal.

Jueces 7:8 Referans Kwoze

1 Corintios 15:52

jts'ihn nax, ta muhts' nax ta sitil, ta slajibal yoq'uel corneta, como ya yich' oq'uesinel corneta, te mach'atic chamenic mayuc sc'a'emal a ya xcha'cuxajtesotic tal, soc te ho'otic ya xc'atp'ujotic,

Isaías 27:13

Soc ta hich ora ya me yich' oq'uesinel muc'ul corneta, te mach'atic ch'ayemic ta sq'uinal Asiria, soc te mach'atic la yich'ic loq'uesel bahel ta Egipto, ya xtal sch'uhuntayic te Jehová ta ch'ul wits ta Jerusalén.

Jueces 6:33

Spisil te madianetic, amalequetic soc te mach'atic talemic ta stojol banti ya xloc' tal c'ahc'al, junax la stsob sbahic, sohlic tal ta muc'ul-ha' Jordán, la spas scampamentohic ta spamlej yu'un Jezreel.

Jueces 3:27

C'alal c'oht ta sq'uinal Israel la yoq'uesin xulubil ta witsiltic yu'un Efraín, hich te snich'nab Israel cohic bahel ta wits soc Aod, ha nahilij bahel yu'unic.

Josué 6:20

Ha yu'un awonic te pueblo, soc te sacerdotehetic la yoq'uesinic te xulubiletique. C'alal la ya'iybeyic yoq'uel xulubil te pueblo, buen tulan awonic, hich hemts'uj cohel te ts'ahque. Jujutuhl toj ochic bahel ta Jericó, hich la stsalic.

Josué 6:4

Huctuhl sacerdotehetic ya yich'ic bahel huqueb xulub tat tuminchij, ha ya xnahilijic bahel yu'un te scaxahul te chapbil-c'op. Ta shuquebal c'ahc'al huqueb buelta ya me ajoyobtayic te pueblo, yac ta yoq'uesinel xulubiletic a te sacerdotehetique.

Números 10:9

Te c'alal ayex ta aq'uinalic soc ya xloq'uex bahel ta guerra soc acontra te ya xtal scontrahinex, ya me awoq'uesinic cornetahetic scuenta tijel hachel. Hich ya xna'botex yu'un Jehová te Dios awu'unic soc ya xcolex ta sc'ab acontrahic.

Levítico 25:9

Ya me awac' ta tulan oq'uesinel xulubil ta slajunebal c'ahc'alil yu'un te shuquebal u; ta Sc'ahc'alel Stojel Mulil yac awoq'uesinic xulubil ta spahmal aq'uinal.

Levítico 23:24

Halbeya te snich'nab Israel: Ta sba c'ahc'alil ta shuquebal u ay me sc'ahc'alel cux-o'tan awu'unic, ha ch'ul tsoblej awu'unic te c'alal ya x'oc' xulubiletic.

Jueces 7:7

Ha yu'un te Jehová la yalbe te Gedeón: Ta scuenta te ho'lajunwinic (300) ta tuhl winiquetic te la sleq'uic ha' ya jcoltayex soc ya ca'beyex ta ac'abic te madianetique. Ac'a suhticuc ta snahic spisil te yantique, xchi.

Jueces 7:9

Ta ahc'abal nix, te Jehová hich la yalbe: Hahchan, cohan bahel ta ya'beyel guerra te campamento, yu'un la jca'batix ta ac'ab.